EAEko PPk autogobernua eta euskal nortasuna defendatuko ditu
EAEko Alderdi Popularrak autogobernua eta euskal nortasuna defendatuko ditu "hausturarik eta noraez independentistarik planteatu gabe". Martxoaren 7tik 9ra XIV. Ezohiko Kongresua egingo dute Donostian: "Politika erdirakoia eta moderazioa" izango dituzte hizpide, eta EAJren aurrean alternatiba bezala aurkeztuko dira.
Euskadiko Alderdi Popularra "indartuta" atera omen da Valladolideko PPren batzarretik (ehun bat euskal ordezkarik "alderdiaren beroa eta babesa" jaso zuten, Arantza Quiroga presidenteak bereziki) eta "pilak berriztatuta, ilusio eta gogo askorekin" itzuli omen dira bertatik.
Iñaki Oyarzabal idazkari nagusiak esan duenez, aurreko asteburuan izan den biltzarrean "PP ireki bat dagoela berretsi dute, guztiok sartzen garen mezu zuhur batekin. Inor ez dago soberan, baina profil erdirakoi-erreformista eta liberala berrindartu du. Hori ere Euskadiko PPn partekatzen dugu".
Euskadin "ezinbesteko" papera izango dutela uste dute, eta, horregatik, "eskuin-erdiko espazio handiaren erreferentzia" izan nahi dute, "EAJren aurrean hautabide gisa duen posizioa" indartuz.
Iñaki Oyarzabalen esanetan, bere alderdia jeltzaleen proiektuaren "aurrez aurre jarri" nahi da, EAJrekin dituzten "ezberdintasunetan" azentua jarriz.
Kongresua
Euskadiko popularrek egingo duten kongresuaren garrantzia goraipatu du Oyarzabalek. Arantza Quiroga presidente gisa berretsiko dute, eta datorren urteetako estrategia lerroak marratuko dituzte.
Aste honetan zehar, EAEko PPko 5.000 militanteak konpromisario gisa izena emateko behar duten informazioa jasotzen ari dira, guztiek "ahotsa izateko". Otsailaren 21era arte izango dute izena emateko epea zabalik.
Presidente izateko hautagai izan nahi duenak otsailaren 11ra arte eman dezake izena. 90 afiliaturen bermea beharko du, eta behin kongresuan, konpromisarioen botoen % 20 baino gehiago jaso beharko ditu.
Alderdiak presidente izateko aurkeztuko duen hautagaiak, bere aldetik, batzorde betearazlea osatuko duten hautagaien zerrenda aurkeztuko du. Arantza Quiroga soilik aurkeztuko omen da.
Albiste gehiago politika
Covite: "ETArekin eta bere inguruarekin egindako akordio judizialek zigorgabetasuna bultzatzen dute"
Consuelo Ordoñez buru duen elkartearen esanetan, akusatuek onartu egin dute 'ongi etorri'ek "biktimak umiliatzen" zituztela.
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Epaileak baztertu egin du Abalos eta Koldo Garcia espetxera bidaltzea, eta kautelazko neurriei eutsi die
Hortaz, magistratuak ez du onartu Alderdi Popularra buru duen akusazioak eskatutako behin-behineko kartzelaldia. Jose Luis Abalos Garraio ministro ohiak adierazi du zabaldu diren grabaketetan ez duela bere ahotsa ezagutzen. Are gehiago, grabaketak ez ote dituzten manipulatu susmoa azaldu du. Koldo Garciak, berriz, ez deklaratzea erabaki du.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.