Ehunka lagunek Arkaitz Bellonen heriotza salatu dute
Ehunka lagun batu dira gaur eguerdian, Elorrion, Arkaitz Bellonen sorterrian. "Espetxe politika honi ez. Sakabanaketa politika amaitu" lelopean, asteon Cadizeko Puerto I espetxean hilda agertu den euskal presoaren heriotza salatu dute.
Arkaitzen argazki handi bat jarri dute Elorrioko udaletxe parean, xingola beltzarekin. Bertan, haren senide eta lagunek manifestazioa deitu dute biharko, Elorrion bertan, arratsaldeko 17:30ean. Gaur eguerdian, herri horretako dendak, tabernak eta enpresak itxita egon dira, Bellonen heriotza salatzeko. Elorrioko udalbatzak, berriz, presoaren senitartekoei babesa adierazten dion mozioa onartu du, EH Bilduren eta EAJren botoekin.
Ordu berean eta lelo berdina hartuta, Donostiako, Bilboko eta Gasteizko Udalen atarietan bilkurak egin dituzte, Estatu Espainiarraren kartzela politika salatzeko.
Nagore Lopez de Luzuriaga Etxerateko eledunak, ETB Hoy saioan egin dituen adierazpenetan, baieztatu duenez, familiaren konfiantzazko bi mediku forentsek bigarren autopsia egin diote goizean Bellonen gorpuari, Cadizeko Institutu Anatomiko Forentsean. "Autopsien emaitzetatik haratago, dena dela, kasu honetan salatu behar dena Arkaitzek azken urteotan bizi izan duen egoera larria da. Etxetik 1.000 kilometrora hil da, ziega batean, bakartuta", salatu du.
Ministroaren agerraldia
Amaiur koalizio abertzaleak, gaur Kongresuan, Mariano Rajoyren Gobernuari egotzi dio Arkaitz Bellonen heriotza. Espainiako Gobernuaren kartzela politika "mendekuan oinarrituta" dagoela eta "guztiz krudela" dela salatu du Amaiurrek.
36 urteko elorriotarra 13 urteko kartzela zigorra betetzen ari zen, kale borroka delitua egotzita. Maiatzen zen espetxetik ateratzekoa, zigorra osorik beteta. Asteazkenean, bere ziegan, Cadizeko Puerto I espetxean, hilda agertu zen. Bakartuta zegoen.
"Gertakari larri hau" argitzeko, Amaiurrek Jorge Fernandez Diaz Barne Ministroaren eta Angel Yuste Espetxe Zuzendaritzako idazkari nagusiaren agerraldiak eskatu ditu Kongresuan, Belloren heriotzaren inguruko argibideak eman ditzaten.
Jon Iñarritu eta Onintza Enbeita Amaiurreko diputatuek, prentsaurrean salatu dutenez, Bellon "bakartuta zegoen, etxetik 1.000 kilometrora eta ez du espetxe onura bakar bat ere izan. Zigorraren hiru laurdenak beteta, duela hiru urtetik aske egon behar zuen".
Zure interesekoa izan daiteke
Rajoyren Gobernuko Barne Ministerioko buruzagitza akusatuen aulkian eseriko da gaurtik aurrera, Kitchen auziagatik
Fernandez Diaz Barne Ministerioaren buru zen, Fiskaltzaren arabera, 2013an Gurtel auziko frogak lortzeko Luis Barcenas PPko diruzain ohiaren esku "legez kontrako inteligentzia operazio bat" egitea pentsatu zutenean, eta, horrela, epailearen esku geratzea "saihesteko".
Estebanek Ayusori erantzun dio "katetada" bere "aldarrikapen nazional nagusia kaña bat hartzea" dela eta Otegik "zureen ekarpena Gernikan Condor Legioa" izan zela
Isabel Diaz Ayuso Madrilgo Erkidegoko presidenteak Picassoren Gernika Euskadira aldi baterako eramateko "asmo nazionalistak" kritikatu ditu ordu batzuk lehenago, "katetada" direla esanez.
PPk eta UPNk, EH Bilduk Iruñean egin duen ekitaldiaren harira: "Nafarroa ez da inoiz euskalduna izango"
Sayasen esanetan, Nafarroa "forala eta espainiarra da historikoki, ordenamendu juridikoak hori diolako eta, batez ere, nafar gehienen nahia hori delako". Bestalde, Ibarrolak nabarmendu du UPNk bermatzen duela "Nafarroa euskal errepublikaren parte ez izatea".
Ertzaintzaren aurkako pintaketa gehiago egin dituzte Amurrion
Amurrioko futbol zelaian azaldu dira oraingoan pintaketak, eta agente bat seinalatu dute. Segurtasun Sailak gaitzetsi egin du gertatutakoa, eta salatu du horrelakoek zuzenean erasotzen dietela bizikidetzaren eta demokraziaren balioei.
EH Bai: "Euskal Herria nazio bat dela eta erabakitzeko eskubidea duela aldarrikatu dugu Aberri Egunean"
Baionan egin duen ekitaldian, Euskal Herria Baik nabarmendu du beste nazio batzuek duten eskubide berdinak izan behar dituela Euskal Herriak ere, "nazio bat delako".
EAJk aberri bizia eta estatus berria eskatu ditu Aberri Egunean
Milaka pertsona bildu dira Bilbon, Aberri Eguna ospatzeko, “Aberria Bizi” lelopean. Aurrera egingo duen Euskadi aldarrikatu dute jeltzaleek. Estebanek ekitaldi politiko jendetsua iragarri du maiatzerako, udal eta foru hauteskundeak baino urtebete lehenago, eta Pradalesek autogobernuaren defentsa egin du.
EH Bilduk esan du "lasai" baina "sendo eta irmo" jardungo duela, Euskal Errepublika helburu
Iruñean ospatu du ezker independentistak Aberri Eguna. Milaka pertsonak parte hartu dute Nafarroako hiriburuko erdigunea zeharkatu duen manifestazioan. Horren ostean, Arnaldo Otegi EH Bilduren idazkari nagusiak esan duenez, "lasaitasunez eta herriaren oxigenoarekin, gailurrera helduko gara".
"Edozein jarrera baztertzaile" gainditzen duen Aberri Eguna aldarrikatu du Podemosek
Autogobernurako eskubide "legitimoa" bizitza proiektu komun bat erabakitzeko aukera gisa ulertzen du, "banderen liskarren" gainetik.
EAJk "nazio handiagoa" aldarrikatuko du Aberri Egunean, eta EH Bilduk eta EH Baik "subiranotasun gehiago" eskatuko dute
Alderdi abertzaleek Aberri Eguna ospatuko dute Pazko igandean. Ohi bezala, Bilboko Plaza Barrian egingo du ekitaldi nagusia EAJk, 11:00etatik aurrera. Koalizio abertzaleak, bestalde, Iruñeko Golem zinemetatik abiatuko den manifestazioarekin abiatuko du eguneko egitaraua, 12:00etan.
Euskal Hirigune Elkargorako duen proiektua aurkeztuko du Alain Iriartek asteartean, Etchegaray garaitu asmoz
Jean Rene Etchegaray Baionako auzapezak 2017tik dihardu karguan. Iriart "Bil Gaiten" hautagaitzaren ordezkari izango da eta hurrengo egunetan jakingo da Pello Etxeleku Kanboko auzapeza ere aurkeztuko den ala ez. Bozketa apirilaren 11n izanen da.