Zabaleta:'Espainiako kartzeletan osasun arreta oso eskasa da'
Patxi Zabaleta Aralarreko koordinatzaile nagusiak, Radio Euskadin egin dioten elkarrizketan, gogor kritikatu du Estatu Espainiarreko kartzelen egoera. Arkaitz Bellon asteon Cadizeko kartzela batean zendu den preso elorriotarraren heriotzaren harira, Zabaletak esan du Espainiako espetxeetan presoek jasotzen duten osasun arreta oso eskasa dela, eta Euskal Herriko kartzela batean egon izan balitz, "oso bestelako arreta" jasoko zuela.
Egoerari konponbidea emateko, espetxeen eskuduntzaren transferentzia lehenbailehen eska dezala eskatu die Zabaletak Iñigo Urkullu lehendakariari eta Yolanda Barcina Nafarroako presidenteari.
"Bake prozesuan" ezinbesteko urratsa, orain arte, ETAk emandakoa da, "atzera bueltarik ez duena", adierazi du Aralarreko kideak. Bere hitzetan, baina, norabidea zehaztea eta erabakiak hartzea euskal gizarteari dagokio, "Rajoyri edota Urkulluri baino gehiago".
Zabaletan iritzian, bakebidean PP ez da beharrezko pausoak ematen ari, eta aukera asko galtzen ari da, "desarmerako prozesuan eragile izatea", adibidez. Kartzela politika aldatzeko eskariei entzungor egitea leporatu dio parlamentari nafarrak Alderdi Popularrari.
Arkaitz Bellonen heriotzaz galdetuta, Zabaletak esan du bere etxetik gertu dagoen espetxe batean egon izan balitz, egoera bestelakoa izango zela. Besteak beste, Euskal Herriko espetxeetan osasun arreta Espainiako kartzeletan baino hobea dela ziurtatu du, eta, horretaz gain, etxekoen gertutasunak egoera arinduko lukeela gaineratu du.
"Dudarik gabe, eta estatistikei erreparatuta, argi eta garbi dago osasun arreta oso eskasa jasotzen dutela Espainian sakabanatuta dauden presoek. Preso horietako bakoitzak oso istorio gogorra eta krudela bizi du kartzelan", zehaztu du.
Kartzela politikaren aldaketa ezinbestekoa da bakebidean aurrera egiteko, Zabaletaren aburuz. Ezer baino lehen, "presoak Euskal Herrira ekartzea da lehen urratsa", eta horretarako, "kartzelen eskuduntza bere gain hartu behar dute Eusko Jaurlaritzak eta Nafarroako Gobernuak".
Desarmea
Balizko desarmeari buruz, Zabaletak esan du bere balioa izango lukeela, baina balio "sinbolikoa" izango litzakeela. Dena dela, "ezinbesteko urratsa denez", nazioarteko bitartekarien esku-hartzea beharrezkotzat jo du. "Armak nazioarteko bitartekariei entregatu beharko lizkioke ETAk. Horrek balio sinbolikoa du, baina Estatua argudiorik gabe geratuko litzateke. Sinbolikoa da, baina garrantzitsua", esan du.
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.