ETAko bi ustezko kide atxilotu dituzte Mexikon
Mexikoko Poliziak, Informazio Polizia-Etxe Nagusiarekin elkarlanean, Jesus Narvaez Goñi "Pajas" eta Itziar Alberdi Uranga "Maria" ETAko ustezko kideak atxilotu ditu, Puerto Vallartan (Jalisco), terrorismoaren aurkako indarrek adierazi dutenaren arabera.
Narvaez Goñi eta Alberdi Uranga Europar Batasunak egin zuen terrorista bilatuenen lehen zerrendan zeuden. 22 urte zeramatzaten ihes eginda, Poliziak urtebetean 18 hilketa egin zituen ETAko taldea (Ekaitz taldea) desegin ostean.
Terrorismoaren aurkako indarrek adierazi dutenez, Narvaez Goñi (1961) ETAko Nafarroa eta Ekaitz taldeetako kide ohia da. Espainiako Justiziak hura bilatzeko agindu ugari eman zituen, nazioarte mailako lau, eta atxilotzeko bi, hilketa, bortxazko lapurreta eta hilketa saiaketak egotzita.
Barne Ministerioak, besteak beste, 1982ko apirilaren 17an Polizia Nazionalaren tanketa baten aurka egindako atentatua (pertsona bat hil zen horren ondorioz) eta 1984ko apirilaren 13an Iruñean bonba-auto batez bi polizia hil zituen atentatua egozten dizkio. Horrez gain, 1984ko maiatzaren 27an Luis Ollo Ochoa Guardia Zibileko kapitainaren hilketa ere egozten dio.
Alberdi Uranga (1963) Madril taldeko kidea izan zen 1987tik 1990era, aurretik aipatutako iturriek azaldu dutenez. Garai hartan hainbat ekintza terrorista leporatzen dizkiote. Gainera, 1991n Ekaitz taldeko kidea izan omen zen (Narvaez Goñirekin batera), eta, besteak beste, 1992ko urtarrilaren 15ean Manuel Broseta Ponsen hilketan parte hartu izana leporatzen diote.
Espainiako Justiziak Alberdi Uranga bilatu eta atxilotzeko lau agindu eman zituen, eta Baltasar Garzon epaileak beste lau eman zituen nazioartean, hilketa egotzita; azkena, 2001eko otsailaren 14an.
Zure interesekoa izan daiteke
Hauteslekuak zabaldu dituzte Aragoin
Guztira 1.036 325 herritarrek dute boto eskubidea. Igande honetako hauteskundeek Aragoiko Gorteetako osaera berria zehaztuko dute.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta 1,03 milioi pertsonak dute botoa emateko eskubidea. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.