ETA zuritu zutenei gogoeta 'zintzoa' eskatu die Buesaren alargunak
Natividad Rodriguezek, Fernando Buesa buruzagi sozialistaren alargunak, indarkeria "zuritu edo babestu" zuten guztiei gogoeta "zintzoa" egiteko eskatu die. Rodriguezen hitzetan, "okertu zirela, gaizki ekin zutela eta kalte bidegabea eta konponezina egin zutela" onartu behar dute.
Fernando Buesa buruzagi sozialista eta Jorge Diez ertzaina gogorarazteko ekitaldia egin du Buesa Fundazioak Gasteizko Artium museoan, arratsaldean. ETAk 2000ko otsailaren 22an hil zituen.
Alderdi politiko guztiek parte hartu dute ekitaldian, eta Fundazioak Fernando Grande-Marlaska epailea ere gonbidatu du. Magistratuak hitza hartu du bertan, legearen aplikazioaz duen ikuspegia emateko.
Nahiz eta bi urte pasatu eta inork bere bizitza arriskuan ez izan, gaur ETA desagertzeko eskatzen jarraitu behar dugu, adierazi du Fernando Buesaren alargunak hitzaldian.
Fernando Grande-Marlaska magistratua. Argazkia: EFE
Euskal gizartearen elkarbizitza harmonikoa lortzeko, tolerantziaren aldeko apustua egin du Sara Buesak (buruzagi sozialistaren alaba eta Fundazioko presidenteordea).
Justiziak presoak birgizarteratzea bilatu behar duela erantsi du Sara Buesak, "gaizki ekin duen gizaki orok, egindako kaltea ordaindu eta damutu ostean, beste aukera bat merezi duelako".
Bestalde, Grande-Marlaska oraindik argitzeke dauden ETAren 300 krimenak ikertzearen alde agertu da. Indarkeriaren bukaerak Justizia gelditu behar ez duela gaineratu du, zuzenbide-estatuarentzat hori "oztopo bat" izango litzatekeelako. Nahiz eta armak utzi, "zigorgabetasunik ez", nabarmendu du.
Albiste gehiago politika
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.