Autogobernu lantaldean eskuzabalak izatea eskatu die Erkorekak taldeei
Eusko Legebiltzarrak ostegunean eratuko duen Autogobernua berrikusteko lantaldeko partaideei “eskuzabalak” izateko eta “egoerak eskatzen duen mailari” eusteko eskatu die Josu Erkoreka Jaurlaritzako bozeramaileak.
Gobernu bileraren ondorengo agerraldian, lantalde horren helburuei buruz EAJk eta PSE-EEk izan duten ika-mikaren inguruan mintzatu da Erkoreka. Bere egunean lantalde horren oinarriak adostu bazituzten ere, iritzi ezberdinak adierazi dituzte azken asteotan. EAJk erabakitzeko eskubidea defendatzen duen bitartean, PSE-Eeren sutez lantaldearen helburu nagusia autogobernua “ebaluatzea” izan behar da.
Jaurlaritzari lantalde horren helburuak zehaztea ez dagokiola azpimarratu du Erkorekak, Legebiltzarreko batzordea izanik, legebiltzarkideei dagokielako.
Andoni Ortuzar EAJko presidenteak azaldu duenez, "zaila izango da konfiantza minimoa" lortzea PSErekin akordioetara iristeko autogobernuaren lantaldean, buruzagi sozialistaren batek eztabaidari "su ematen" badio eta EAJ iraintzera dedikatzen badira.
Ortuzarrek Twiterreko bere kontuan euskal sozialistei "politika egiteko era bipolarra" aurpegiratu die.
Gai horren inguruan, Patxi Lopez PSE-EEko idazkari nagusiak ohartarazi du bere alderdiak ez dituela jarrera “zatitzaileak” eta “atzerakoiak” onartuko eta Euskal Autonomia Erkidegoaren oinarria “Gernikako Estatutua” dela azpimarratu du.
Lantalde horretatik sozialistek “zer espero duten” ezaguna dela adierazi du Patxi Lopezek. “Ez dugu gizartea banandu egingo duten jarrerekin bat egingo, baina lantaldea ez da oraindik hasi”, gaineratu du.
Borja Semper PPko Legebiltzarreko bozeramaileak jeltzaleen eta sozialisten arteko “errieta” gogor kritikatu du, “Euskadi marka zikindu egiten dutelako”. Alderdi horiei gai hura “tortura politiko batean” ez bihurtzeko eskatu die.
Lantaldea hasi aurretik eztabaida piztu izana egotzi die popularrak jeltzaleei eta sozialistei. “Eztabaida politikoa agerian utzi dute”.
EH Bilduk esan duenez, PSE-EEk eta PPk Eusko Legebiltzarreko Autogobernuaren Lantaldean erabaki beharko dute "gehiengoaren nahia errespetatzeko printzipio demokratikoa" onartzen duten ala ez, ateratzen dena ateratzen dela.
Albiste gehiago politika
Covite: "ETArekin eta bere inguruarekin egindako akordio judizialek zigorgabetasuna bultzatzen dute"
Consuelo Ordoñez buru duen elkartearen esanetan, akusatuek onartu egin dute 'ongi etorri'ek "biktimak umiliatzen" zituztela.
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Epaileak baztertu egin du Abalos eta Koldo Garcia espetxera bidaltzea, eta kautelazko neurriei eutsi die
Hortaz, magistratuak ez du onartu Alderdi Popularra buru duen akusazioak eskatutako behin-behineko kartzelaldia. Jose Luis Abalos Garraio ministro ohiak adierazi du zabaldu diren grabaketetan ez duela bere ahotsa ezagutzen. Are gehiago, grabaketak ez ote dituzten manipulatu susmoa azaldu du. Koldo Garciak, berriz, ez deklaratzea erabaki du.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.