Ibarretxe: 'Aldebakarreko independentzia adierazpenak izango dira'
Juan Jose Ibarretxek esan du "aldebakarreko independentzia adierazpenak" izango direla Euskal Herrian eta Katalunian erabakitzeko eskubidea gauzatzea ahalbidetzen ez bada.
"Demokrazia ukatzearen ondorioz, Euskadin Sabino Arana baino independentista gehiago izatea lortzen ari da Espainia", nabarmendu du.
Erabakitzeko eskubideari buruz Bilboko Abokatuen Elkargoak mintegi bat antolatu du eta bertan izan da Juan Jose Ibarretxe. Harekin batera Irene Martin Kataluniako Asanblada Nazionaleko kidea, Iñigo Urrutia administrazio zuzenbideko EHUko irakaslea eta Elisenda Casanas Edinburgoko Unibertsitateko Zuzenbide Konstituzionalari buruzko Zentroko kidea izan dira.
Ibarretxek gogora ekarri du Diputatuen Kongresuan bere plana aurkeztu zuenean jaso zuen ezezkoa. "Erabakitzeko eskubidea pertsona guztiok daukagun oinarrizko eskubidea da, baina garai hartan ETAren indarkeriagatik desitxuratua zegoen eskubide hori", azaldu du.
Nolanahi ere, "egun indarrean dagoen ereduarekin Euskadi Espainiaren menpe dago, fiskalitatea, hezkuntza edo ekonomia bezalako gaietan eta, bai Euskadin bai Katalunian, gero eta gehiago jende gehiagok uste du menpekotasuna txarra dela", erantsi du.
"Autobusa non geldituko den ez dakigu, baina argi daukagu orain gauden geltokia gustuko ez dugula. Eta euskal herritar edo katalan sentitzea baino harago doa, nazioan baino demokrazian aurrera egitea suposatzen baitu", esan du.
Bestalde, Ibarretxeren iritziz, Auzitegi Konstituzionalak aste honetan ezagutarazitako epaia ona da, "politikan jokatzea erabaki duelako".
Ildo berean, Espainiako Gobernuak erakutsi duen jarrera "ahula" dela adierazi du. Erabakitzeko eskubidean Konstituzioan tokia izan behar duela erantsi du.
"Demokrazia badago, erabakitzeko eskubidea badago, eta demokraziarik ez badago, Konstituzioa aldatu beharko da; eskubideak badira eta ez dira negoziatzen, eskubide hori nola gauzatu behar den da negoziatzen dena", azpimarratu du.
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.