EAJ: 'Bi patata bero dauzkazue: kataluniarra eta euskal patata'
Aitor Esteban EAJko diputatuak "bi patata bero dituztela" ohartarazi dio Rajoyren Gobernuari: "Kataluniako patata, eta euskal patata", Kataluniako eta Euskal Herriko erabakitzeko eskubideen inguruan sortutako iskanbilei erreferentzia eginda.
Halaber, Espainiako Gobernuak Kataluniako eta Euskal Herriko arazoak konpontzeko agertu ohi duen "borondate eza" salatu du bozeramaile jeltzaleak: "Eta honarte iritsi gara; Estatutik alde egiteko galdeketa bat egitera arte", esan du Estebanek Joan Herrera ordezkari katalanak Ibarretxe Planaren eztabaidan esandako hitz batzuei erantzunda.
Jarraian, EAJko kideak erabakitzeko eskubidea ukatzeko Konstituzioa alde batera utzi eta, Euskal Herriaren kasuan behintzat, beste argudio bat bilatzeko eskatu dio Rajoyri: "gure kasuan zentsoaren % 30ak bakarrik eman zuen boza Konstituzioaren referendumean, guk ez genion oniritzirik eman", azaldu du.
"Erabakitzeko eskubidea ukatzeko orduan, ez esan legea aldaezina dela, sinestarazi iezaiezue kataluniarrei Espainiaren barruan egoteak dituzten abantailak", gomendatu die Estebanek.
Kataluniako galdeketaz aritu denean, borondate politikoa egonez gero Konstituzioaren baitan konpontzeko moduko gaia dela esan du Aitor Estebanek, izan ere, bere iritziz, Konstituzioa "aste eta erdian" alda daiteke, aurrekontuen egonkortasuna bermatzeko helburuak sartzeko egin zuten moduan.
EAJko bozeramaileak "legezkotasuna demokraziarekin nahastea" leporatu die PP, PSOE eta UPyD alderdiei, eta XXI. mendea "inposizioen, indarraren eta gauzak irenstearen mendea" ez izateko proposamena egin du.
Errekondo: ''Ea euskal gizartearen gustuko tortilla egiten dugun''
Xabier Mikel Errekondo Amaiurreko bozeramaileak Aitor Esteban jeltzaleari zuzendu saio agerraldiaren hasieran. ''Hitz egin dezagun pataten inguruan lehenago Euskal Herrian, ea euskal gizartearen gustuko tortilla egiten dugun'', esan dio EAJko ordezkariari.
Amaiurreko diputatuaren ustez, Artur Masek erabaki egokia hartu du gaurkoan Kongresura ez joanda, Errekondoren hitzetan, ''partida jada ez baita Espainian jokatzen; Katalunian jokatzen da''.
Gobernuaren jarreraren inguruan, Amaiurreko ordezkariak esan du ''demokrazia legeen gainetik dagoela''. ''Zuen legeekin mehatxatu egin gaituzue; baina horrek ez du funtzionatzen, eta zuek jakin badakizue. Porrota baino ez duzue lortuko'', esan du. ''Gaurkoan espainiar Estatuak porrot egingo du berriz, bere harrokeriak eta itxikeriak ez dutelako gizartea geldiaraziko''. Errekondoren aburuz, ''herritarrek ulertu dute erabakitzeko eskubidea garrantzitsuegia dela politikoen esku uzteko''.
Halaber, Amaiurreko ordezkariak adierazi dU Euskal Herria ere martxan dagoela, ''gure erritmoan''. ''Euskal Herrian argi daukagu. Etorkizuna gure esku dago'', gaineratu du.
Uxue Barkos: 'Nik Kataluniaren ahotsa entzun nahi dut'
Uxue Barkos Geroa Baiko diputatuak Kataluniako galdeketa subiranista egitearen alde agertu da, Kataluniako herritarren ahotsa "garbi eta interferentziarik gabe" entzuteko.
Katalunia "maite" dutenei zuzendu zaie Barkos, Kataluniarekin "konfiantza" dutela esaten dutenei, orain beharrezkoa dena kataluniarrei "entzutea" dela esateko.
"Nik bai; Kataluniaren ahotsa entzun nahi dut", azaldu du ordezkari nafarrak, eta, horrekin batera, kataluniarrei bozkatzen uzteko eskatu die PPri eta PSOEri, "beraien buruei tranpari egin gabe".
Albiste gehiago politika
Bi ekimen martxan, Txomin Letamendiren aitortza instituzional eta judiziala lortzeko
Alde batetik, 1950ean torturengatik hil zen EAJko militantearen familiak Eusko Jaurlaritzari eskatu dio izaera instituzionaleko biktima gisa aitortzeko. Bestetik, borondatezko jurisdikzioaren bideari ekin diote.
UCOren arabera, Cerdanek Servinabarren % 45 erosi zuen 6.000 euroren truke
Salerosketa kontratua 2016ko ekainaren 1ekoa da, eta Antxon Alonsok zituen 3.000 partaidetzetatik 1.350 erosi zituen Santos Cerdanek, bakoitzak euro bateko balioarekin. Guardia Zibilaren UCOk gaur bidali dio agiria Gorenari.
PSOE eta bere bazkideak ados, 78ko sanferminetako gertakariak desklasifikatzeko EH Bilduk egindako eskaerarekin
PPk eta Voxek PSOEri leporatu diote EH Bildu "zuritzeko" operazioa egitea. Ekimenaren bozketa ostegunean egingo da.
Osasun Ituna ixteko “presarik ez izatea” eta “benetako eztabaida egitea” eskatu du EH Bilduk
Pello Otxandianok adierazi du ituna ezin dela "bozketa orokor batekin amaitu". Horrez gainera, EH Bilduk zuzenketa bat egin duela eman du ezagutzera, osasun sistema publikoarekin "konpromiso argia eta zalantzarik gabea".
Pradalesek Aznarri erantzun dio: "Oso harro nago nire abizen eta sustraiez"
Jose Maria Aznar Espainiako Gobernuko presidente ohiak Pradales lehendakariaren aurka egin zuen, lehendakari autonomikoen konferentzian euskaraz hitz egiteagatik.
"Ziurgabetasuna areagotzen" ari den garaiotan "arriskatzen jarraitzeko" eskatu die Pradalesek sailburuei
Legealdiaren lehen urteurrena dela eta, Ajuria Enean bildu da gaur Gobernu Kontseilua, eta ondorengo prentsaurrekoan hitz egin du lehendakariak, urtebeteko balantzea egiteko.
Cerdanek Gorenari eskatu dio datorren astelehenean egingo duen adierazpena zuzenean emititzea
Benet Salellas abokatuak argudiatu du beharrezkoa dela agerraldia jendaurrean emititzea ahabildetzea, kasuaren garrantzia eta Cerdanek jasaten duen epaiketa paraleloa kontuan hartuta.
PSOEko goi-kargudun ohiek kargua utzi eta kongresu bat egin dezala eskatu diote Sanchezi; tartean, Nicolas Redondok eta Javier Rojok
Sinatzaileen artean Rafael Vera eta Jose Barrionuevo daude ere. Eskutitzean ustelkeria kasuak aipatzen dituzte, baita "Konstituzioa aldatzen ibiltzea" dakarten "gobernu-praktikak" egitea ere.
Pradales eta Sanchez izango dira Transferentzien Aldebiko Batzordearen buru, uztailaren 15eko bileran
Imanol Pradales lehendakariak iragarri duenez, uztailaren 15ean Transferentzien Aldebiko Batzordearen bilera zuzenduko du Madrilen, Pedro Sanchez Espainiako Gobernuko presidentearekin batera.
Pedro Sanchezek bi agerraldi egingo ditu Kongresuan uztailaren 9an; bat, ustelkeriari buruzkoa
Hasieran, hainbat gari buruzko agerraldia egitea proposatu zuen, baina Gobernua sostengatzen duten aldierdiek 'Koldo-Cerdan auzia'ren inguruko saio monografikoa egin zezan eskatzen zioten. Azkenean, onartu egin du.