EAJk erabakitzeko eskubidea aldarrikatuko du aurtengo Aberri Egunean
EAJk Euskadin "bakea iraunkortzea" eta, horrela, "hiritarren erabakiak beste mugarik izango ez duen subjektu politikoa sustatzea" aldarrikatuko du apirilaren 20an 2014ko Aberri Egunean. Gainera, "Estatu espainiarrak eta frantsesak egun ukatzen duten aitortzea eta herrigintza" Europan erdiestea bilatuko dute jeltzaleek.
Pilar Garcia de Salazar EBBko idazkaria eta Xabier Agirre ABBko presidenteak aurkeztu dituzte 2014ko Aberri Eguneko ekitaldiak, Gasteizko Ama Birgina zuriko Plazan. Aurkezpenean, Ramiro Gonzalez eta Gorka Urtaran Batzar Nagusietarako eta Gasteizko Udalerako hautagai nagusiak ere, urrenez urren, izan dira.
Azaldu dutenez, 2014rako aukeratutako leloa 'Euskadi Europara Begira' da, egun 'euskal herritarrok Espainiako eta Frantziako Estatuek ukatzen diguten aitortzea eta herrigintza bilatzen dugulako".
Horren ildotik, defendatu dutenez, Aberri Eguna "ez da inoren kontrako ekitaldia, ezta identitateen arteko talka", baizik eta "nazio baten, euskal nazioaren, aitortzea da; herritarren gehiengo zabal baten borondate demokratikoaren bidez esparru juridiko eta politikoa modu askean lortu nahi duena".
Hori dela eta, Euskadiko herritarrei bakea eta askatasuna izateko eskubidea aldarrikatzeko deia egin die, ikurriña, "identifikatzen gaituen sinboloa", kalera aterata; horrela, "herrialde berri bat, gizarte berri bat, non denok adierazpen eta erabakitzeko askatasuna izango dugun (giza eskubideak errespetatuz eta haien babespean) eraikitzeko borondatea erakutsiz".
Ekitaldi politiko nagusia apirilaren 20an egingo dute, Bilboko Plaza Barrian, 11:30ean. Bertan, Iñigo Urkullu lehendakariak eta Andoni Ortuzar EBBren presidenteak parte hartuko dute. Gainera, Izaskun Bilbao Europako Hauteskundeetarako EAJren hautagai nagusia eta Jean Tellechea EAJ-PNB Ipar Euskal Herriko hautagai nagusia ere bertan izango dira.
Albiste gehiago politika
Gastu militarrera % 2,1 bideratuko duela berretsiko du Sanchezek NATOren goi-bileran, presioak presio
Aliantza Atlantikoa osatzen duten 32 herrialdeetako ordezkariak Hagan elkartuko dira gaur eta bihar. Orotora, 45 estatuburu eta gobernuburu espero dira. Bigarren aldiz AEBko presidente kargua hartu zuenetik, lehen aldiz joango da Trump goi-bilerara.
Covite: "ETArekin eta bere inguruarekin egindako akordio judizialek zigorgabetasuna bultzatzen dute"
Consuelo Ordoñez buru duen elkartearen esanetan, akusatuek onartu egin dute 'ongi etorri'ek "biktimak umiliatzen" zituztela.
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Epaileak baztertu egin du Abalos eta Koldo Garcia espetxera bidaltzea, eta kautelazko neurriei eutsi die
Hortaz, magistratuak ez du onartu Alderdi Popularra buru duen akusazioak eskatutako behin-behineko kartzelaldia. Jose Luis Abalos Garraio ministro ohiak adierazi du zabaldu diren grabaketetan ez duela bere ahotsa ezagutzen. Are gehiago, grabaketak ez ote dituzten manipulatu susmoa azaldu du. Koldo Garciak, berriz, ez deklaratzea erabaki du.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.