Diputatuen Kongresuak abdikazio legea onartuko du asteazken honetan
Juan Carlos erregearen abdikazioa gauzatuko duen legea aurrera aterako da Diputatuen Kongresuan, asteazken honetan; izan ere, PPk eta PSOEk babesa emango diote.
Bestalde, Koroaren oinordetza gertatzen denean estatutu juridiko berriak Juan Carlos eta Sofia forupeko egitea eskatu du Botere Judizialaren Kontseilu Nagusiak txosten batean.
Juan Carlos I.a erregearen abdikazioa jasoko duen Lege Organikoaren proiektua eztabaidatu eta bozkatuko dute Diputatuen Kongresuan. Legea onartzeko, gehiengo osoaren babesa behar du.
Saioa 09:00etan hasiko da, proiektua irakurketa bakarrean izapidetzeko eztabaida eta bozketarekin. Ondoren, eztabaidari helduko diote. Gobernuak proiektua azalduko du, eta talde parlamentarioek txandaka hitz egingo dute, handienetik txikienera, Talde Popularra izan ezik, horrek azken txanda izango baitu.
Saioa zuzenean emango du eitb.com-ek.
Zuzenketak
Orotara, bost zuzenketa aurkeztu dituzte Kongresuko taldeek, proiektua atzera botatzeko zuzenketak eta zuzenketa partzialak. Estatuaren ereduaren inguruko referenduma egiteko eskatuko da guztietan.
Zazpi alderdik babestuko dituzte zuzenketak; Izquierda Plural taldea osatzen duten hirurek (IU, ICV eta CHA), ERCk, BNGk, Compromisek eta Geroa Baik.
Bozketa, banan-banan eta ozen
Jarraian, bozkatu egingo dute. Diputatuek banan-banan eman beharko dute botoa, ozenki, baietzaren, ezetzaren edo abstentzioaren alde.
Bozketa ozenki egingo dute, Izquierda Pluralek eta talde mistoak horrela egitea eskatu dutelako. Kongresuko Araudiaren 85. artikuluak bozketa publikoa eta banan-banan deituta egin beharra jasotzen du Parlamentuko bi taldek horrela eskatuz gero.
Legeak babes handia jasoko du: PPk. PSOEk, UPyDk eta Foro Asturiasek aldeko botoa emango dutela iragarri dute. CiUk eta EAJk abstentzioaren alde egingo dute, eta Izquierda Pluralek, ERC eta BNGk, besteak beste, aurka egingo dute. Amaiur Kongresutik aterako da.
Gehiengo osoa
Abdikazio Legeak gehiengo osoaren babesa behar du. Behin zuzenketa guztiak bozkatuta eta legea onartuta, testua Senatura bidaliko dute zuzenean, izapidetzearekin jarraitzeko.
Senatuko saioan ez da zuzenketarik onartuko, Estatuko Aldizkari Ofizialean argitaratu eta indarrean lehenbailehen sartzea ahalbidetzeko.
Senatuan, ekainaren 17an
Kongresuan ez bezala, senatariek boto elektronikoa erabiliko dute lege organikoari oniritzia emateko.
Senatuko saioa 16:00etan hasiko da, Gobernuak legeari buruzko azalpenak emanda.
Soraya Rodriguez sozialisten bozeramaileak astearte honetan azaldu duenez, diputatu bakoitza "bere botoaren jabe da", baina boto-askatasuna ematea errefusatu du, PSOEk "oso argia den jarrera politikoa" duelako.
Bestalde, Felipe VI.a errege-aldarrikapenera militar jantzita joateko aukera kritikatu du Aitor Esteban EAJren Kongresuko bozeramaileak. Izan ere, jeltzalearen iritziz, irudi horrek antzinako garaiakekarriko lituzke gogora.
Erregearen abdikazioa arautzeko legearen eztabaidan parte hartuko du Amaiurrek, baina ez proiektu horren bozketan, Jon Iñarritu Amaiurreko diputatuak aurreratu duenez. Iñarrituk adierazi duenez, ez dute bere buru espainiar herritartzat, eta, ondorioz, ez dute parte hartuko Euskal Herriarekin lotura ez duten bozketetan.
"Normaltasuna"
Kongresuko eztabaida normaltasunaren barruan kokatu du Mariano Rajoy Gobernuko presidenteak. Osoko bilkuraren helburu bakarra horixe dela azpimarratu du Rajoyk, monarkia edo errepublika eztabaida bultzatu nahi dutenen aurrean.
Eztabaidak helburu bakarra duela errepikatu du gobernuburuak, hau da, Juan Carlos erregearen abdikazioa. Konstituzioaren arabera, gaia Kongresuan eztabaidatu behar dutela gogorarazi du Rajoyk.
Diputatuen gehiengoak lege organikoaren proiektuari babesa emango diotela uste eta espero du Rajoyk, Espainiako herritarren gehiengoak horixe bera nahi duelako, buruzagiaren hitzetan.
"Ondorioz, gertatuko dena normaltasunaren barruan kokatu behar dugu, zorionez, Espainia herrialde serioa delako, espainiarren gehiengoari komeni zaizkion erabakiak hartzeko legeak eta prozedurak bete egiten direlako", erantsi du.
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.