Prozesua bultzatzeko indarrak batzeko deia egin du EH Bilduk
EH Bilduk "indarrak batzeko, konpromisoak onartzeko eta ekimenak bultzatzeko" deia egin du, prozesuak aurrera egin dezan.
Maria Beitialarrangoitiak eta Maite Iturre EH Bilduko bozeramaileek prentsaurrekoa eskaini dute gaur goizean Donostian, eta bertan ohar bat irakurri dute gazteleraz eta euskaraz.
EH Bilduren iritziz, beharrezkoa da "oztopoak gainditzea", izan ere, "estatuek gatazka estrategiarekin jarraitzen badute ere, azken hilabetetan prozesua bide onetik eramateko pauso eta ekimen esanguratsuak izan dira". Adibide gisara, Euskal Preso Politikoen Kolektiboak (EPPK) eta iheslarien kolektiboak egindako "ekarpen garrantzitsuak" aipatu dituzte.
Gizartearen inplikazio iraunkorra ere ezinbestekotzat jo dute, eta horren harira, konpromisoak onartzeko eta ekimenak bultzatzeko unea dela adierazi dute, prozesuak aurrera egin dezan. "Errepresioarekin, presoen eta erbesteratuen kontrako jazarpenarekin eta salbuespenezko legeekin amaitzeko garaia da", azpimarratu dute.
Bestalde, estatuei erantzukizunak beren gain hartzeko eta elkarrizketa eta konponbide guneak irekitzeko deia egin diete. EH Bilduren esanetan, "konponbide integrala behar dugu, eta hori da hain zuzen ere Euskal Herriko gehiengo sozial eta politikoak eskatzen duena".
Manifestazioa Baionan
Bestalde, EH Bilduko bozeramaileek larunbatean "Giza eskubideak, konponbidea, bakea" goiburupean Baionan egingo den manifestaziora joateko deia egin dute. Horien iritziz, mobilizazio horrek agerian jartzen du bakearen alde dinamikak bultzatzeko eta partekatzeko dagoen aukera benetakoa dela.
EH Bilduk eredugarritzat jo du larunbateko mobilizazioa, izan ere, Ipar Euskal Herriko gizarte alorreko erakundeetako eta alderdi politiko ezberdinetako pertsonen babesa jaso du, hala, bertan izango dira UMP, Modem eta PSF alderdietako kideak.
Koalizio abertzaleak babesa eskaini dio larunbateko manifestazioari eta bide batez, gatazkaren konponbidearen alde daudenei bertara joateko gonbita egin die.
Zure interesekoa izan daiteke
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.
Frankistek torturatutako Txomin Letamendiren oroimena gordetzearen alde mintzatu da Pradales
Imanol Pradales lehendakaria Txomin Letamendi gudariaren memoriaren alde mintzatu da astelehen honetan, frankismo garaian jasan zituen tortura basatien ondorioz hil zela 75 urte bete direnean.