Honelakoa izango da Felipe VI.aren koroatzea, pausoz pauso
9:30ean: Zarzuelako Jauregiko Audientzien Aretoan, Juan Carlos erregeak Kapitain Nagusiaren gerrikoa jarriko dio semeari. Felipe printzeak Lurreko Armadaren uniformea jantziko du.
10:30ean: Felipe, Letizia eta bi alabak Zarzuelako Jauregitik aterako dira Diputatuen Kongresura joateko. Bertan, Mariano Rajoy Gobernuko presidenteak, Jesus Posada, Kongresukoak, eta Pio Garcia Escudero, Senatukoak, harrera egingo diete.
10:45ean: Kongresuaren barruan, zin-egitea eta aldarrikapena egingo dute, Konstituzioari jarraituta. Hala ere, eta Juan Carlosen koroatzean ez bezala, koroaren eta aginte-makilaren ondoan ez da gurutzerik izango.
Errege berriak zina egingo du diputatuen eta senatarien aurrean. Konstituzioko 61.1 artikuluari jarraituta, bere eginbeharrak zintzo bete, Konstituzioa eta legeak gorde eta gordarazi, eta herritarren eta erkidegoen eskubideak errespetatzea zin egingo du.
Zin-egitearen ondoren, Jesus Posada Kongresuko eta Gorteetako presidenteak hitzaldi laburra egingo du. Eta jarraian, Felipe VI.ak bere lehen hitzak esango ditu, Espainiako errege gisa. Hitzaldian bere erregetzaren ardatz nagusiak aipatzea espero da.
Ekitaldia amaitzean, errege-erreginek, Leonor Asturiaseko printzesak eta Sofia infantak desfile militar bat ikusiko dute.
11:30ean: errege-erreginak autoan joango dira Errege Jauregira, Madrileko kaleetan zehar ibilbide luzea eginda. Autoa astiro joango da, bidean zain dauden herritarrei agurtzeko aukera emateko.
13:00etan: harrera ofiziala, Tronuaren aretoan. Erregearen familia iristean, errege-erregina berriak eta Juan Carlos eta Sofia balkoi nagusira aterako dira, herritarrak agurtzeko.
Ondoren, agintariei eta Espainiako gizarteko ordezkariei egindako harrera hasiko da. Errege-erreginek banan-banan agurtuko dituzte 2.000 gonbidatuak. Apaindura gutxiko ekitaldia izatea aurreikusita dago, baina protokolo handikoa.
Segurtasun neurri handiak
Segurtasuna bermatzeko, Barne Ministerioak espazio gaineko mugak areagotuko ditu, alerta terrorista igoko du eta Madrileko sarreretan kontrolak egingo ditu.
Alerta terrorista 3. mailara igoko dutenez, Estatuko Segurtasun Indarretako erreserba eta unitate bereziak kalean izango dira.
Segurtasun arduradunek arreta berezia jarriko dute pertsona ugari biltzen diren lekuetan eta "oinarrizko egituretan".
Bandera eta protesta errepublikanoak
Bandera errepublikanoak erakustea ekidingo du Poliziak ostegun honetan, Felipe VI.a errege berriak tronua hartu ostean Madrilgo kaleetan zehar egingo duen desfilean zehar. Bestalde, Madrilgo Justizia Auzitegi Nagusiak berretsi egin du Sol eta Neptuno arteko martxa errepublikanoaren debekua.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.