Juan Carlos I forudun egitea onartu du Kongresuko Justizia Batzordeak
Diputatuen Kongresuko Justizia Batzordeak onartu du, PPren botoekin, Juan Carlos I.a eta Sofia erregina (Letizia erreginaz eta Asturiasko printzesaz gain) forudun egitea, Auzitegi Gorenak soilik epaitu ahal izateko.
Gero, ezohiko batzarra deitu du Kongresuaren Mahaiak datorren ostegunerako, aforamenduak onartzen dituen lege-egitasmoa onartzeko.
Mahaiak ez du onartu Izquierda Pluralek aurkeztutako helegitea, ez zuelako batzarra deitu eta hurrengo 48 orduetan aurkeztu.
Bere aldetik, uztailaren 9an edo 10ean egitasmoak azken urratsak emango ditu Senatuan eta egitasmoa onartuko dute. Urgentziazko tramitean onartu dute erreforma legala, PPk eskatuta eta PSOEren eta CiUren abstentzioarekin.
Aurkeztutako zuzenketetan adierazi dute argi gelditu behar dela Estatuburu ohiari eta bere emazteari zein araubide dagokien, "Espainiako Errege-erreginak izan direnen duintasuna kontuan hartuta". Gainera, forudun berrien aurkako jardunbide guztik eten beharko lirateke eta Auzitegi Gorenera eraman.
Oposizioaren kritikak
Oposizioko taldeek Juan Carlos I.a erregeari "gehiegizko aforamendua" ematea kritikatu dute, eta herritarrek ez dutela "hainbeste blindaje" ulertzen gaineratu dute. "Castro epaileak ni ez nau epaitzen mezua igorri nahi dutela dirudi", laburbildu du Gaspar Llamazares IUko diputatuak.
Diputatuen Kongresuko Justizia Batzordeak argi berdea eman die gaur Juan Carlos eta Sofia, Letizia erregina eta Leonor Asturiasko printzesa forudun bihurtzeko funtzionario judizialen legean aurkeztutako bi zuzenketei. Orain, Senatuan jarraituko dute izapidea.
Jose Miguel Castillo Calvin PPk justizia arloan duen bozeramailearen esanetan, espainiarrek "zor ordainezina" dute Juan Carlos erregearekin, eta, horrenbestez, babes judiziala ematearen alde egiteko eskatu die taldeei.
Meritxell Batet PSOEko diputatuak kritikatu egin du aforamendua emateko hautatutako bidea, eta eztabaida "sakonik eta zorrotzik" egin ez izana deitoratu du.
Emilio Olabarria EAJko bozeramaileak "gehiegizkoa" iritzi dio Juan Carlos I.aren aforamenduari, eta "susmagarria" dela gaineratu du. Izan ere, babes judiziala erregearen bizitza pribatura ere zabaldu dute.
Irene Lozano UPyDko diputatuaren ustez, "pribilegioa" da aforamendua, eta, kasu honetan, babes judiziala "ohi baino zabalagoa" dela gogorarazi du.
"Zer ezkutatu nahi duzue?", galdetu dio Gaspar Llamazares Izquierda Plural taldeko bozeramaileak PPri, eta Juan Carlos I.a dagoeneko estatuburua ez bada, babes berezirik izan behar ez lukeela esan du.
Sabino Cuadra Amaiurreko bozeramaileak Juan Carlos I.aren "iragana, oraina eta etorkizuna blindatu nahi izatea" egotzi dio PPri. Gainera, Europar Batasunean "aurrekaririk" ez duela salatu du.
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.