Juan Carlos Erregearen aforamendua onartu dute PPren botoekin
Kongresuaren Osoko Bilkurak Juan Carlos eta Sofia Errege-Erreginak, Letizia Erregina eta Leonor Asturiasko Printzesa forudun egiteko lege erreforma onartu du, PPren eta Foro Asturias eta UPN alderdietako bi diputatuen botoekin.
Oposizioko alderdi nagusiak, PSOEk, abstentzioa eman du, CiU eta Coalicion Canariarekin batera. Izquierda Plural, UPyD, EAJ eta Talde Mistoko hainbat alderdi –Amaiur, ERC, BNG, Compromis, Nueva Canarias eta Geroa Bai– aurka agertu dira.
PP alderdiak Botere Judizialaren Lege Organikoa partzialki berritzeko aukera baliatu zuen pasatu den astean. Sektore publikorako neurriak hartzea helburu zuen arren, –kontu pertsonaletarako egunak erregulatu, hautaketa probak eta Justizia arloko langileak berritu–, bi zuzenketa sartuz Juan Carlos forudun egitea lortu du Alderdi Popularrak.
Zuzenketetako batek adierazten duenez, bide zibilean nahiz zigorraren bidean forudunak izango dira abdikatu duten Erregeak (kasu honetan, Juan Carlos), haien ezkontideak (Sofia Erregina), Erregearen ezkontideak (Letizia Erregina) eta Asturiasko Printze-Printzesak (momentuz, Leonor).
Aipatutako Errege Etxeko kideak forudunak izango dira, beraz, Gobernuko kideak eta diputatu eta senatariak bezala. Horien babesa 1978ko Konstituzioan zehazten da, baina arlo zibilari begira, karguak irauten duen denboran soilik izan daitezke aforatuak.
Gainera, bigarren zuzenketa batean xedapen iragankor bat txertatu dute. Horren arabera, auzitegi bat forudun berrien aurkako auziren bat ikertzen ari bada, legea indarrean sartzean, bertan behera gelditu eta Auzitegi Gorenera bidali beharko dira.
Zure interesekoa izan daiteke
Sanchezek Aznarren aurka egin du Espainia Irakeko gerran sartzeagatik eta Iranen "akats bera ez egitea" eskatu du
Espainiako Gobernuko presidenteak Iran militarki eta ekonomikoki Irak baino askoz ere indartsuagoa dela nabarmendu du, eta gerraren ondorioak ere handiagoak izango direla ohartarazi du.
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.