Pedro Sanchez, egunetik egunera PSOEren buru bihurtu den militantea
Pedro Sanchez (Madril, 1972) PSOEko idazkari nagusi bihurtu da, duela hilabete bat guztiz ezezaguna bazen ere. Aise lortu du, gainera, barne hauteskundeetan militanteen babes zabala eskuratuta eta alderdi sozialistako baroi gehienen oniritzia jasota.
Erakargarritasun handikoa da, eta alderdira "aldaketa" ekartzea eta "batasuna" bermatzea eskainita aurkeztu zuen hautagaitza.
"Errepidearen hautagaia" izango zela aurreratu zuen Pedro Sanchezek, eta bete egin zuen. Izan ere, duela zortzi hilabete Espainiako federazio sozialistetara hurbiltzen hasi zen, militanteekin hitz egiteko, babesak ia banan-banan biltzen, eta 30.000 kilometro egin zituen autoan.
PSOEren Idazkaritzarako bidean, beste bi hautagaiek baino abal gehiago lortu zituen: 41.338 Pedro Sanchezek, 25.238 Madinak eta 9.912 Perez Tapiasek.
Batik bat, Andaluzian jaso du babes handiena, hau da, PSOEren federazio garrantzitsu eta jendetsuenean. Horregatik, PSOEren 'aparatuaren' eta Susana Diaz Andaluziako Gobernuko presidentearen hautagaia zela ere esan diote.
Sanchezek ingelesa eta frantsesa hitz egiten ditu, eta hainbat ikasketa ditu: Ekonomia Zientzietan lizentziaduna da, eta master bat du Ekonomia Politiko Europarrean, besteak beste.
NBEko Nazioarteko Harremanen departamenduan eta NBEk Bosnian duen goi-ordezkariaren kabinetan egin zuen lan, eta bi urtez aholkulari izan zen Europako Parlamentuan.
Horren ostean, ekonomialari gisa aritu zen Jose Luis Rodriguez Zapateroren Gobernuko azken urteetan. Hain zuzen ere, Trinidad Jimenezen taldean aritu zen, eta, ondorioz, 2003. urteko udal hauteskundeetako zerrendan sartu zuten, Madrilen.
Kongresuan 2009. urtean sartu zen lehen aldiz, Pedro Solbesek eserlekua utzi zuenean. Hurrengo legegintzaldian ez zuten zuzenean hautatu diputatu, baina Cristina Narbonak kargua utzi zuenean sartu zen Behe Ganberan.
PSOEren buruzagi gorena bihurtu izana ere uko baten ondorio izan da, Susana Diazek hauteskunde primarioetara aurkeztu ez izanak ireki baitzizkion Ferrazen ateak.
2013. urtean, PSOEren hurrengo hamarkadarako proiektu politikoa finkatu zuen Konferentzia Politikoaren koordinatzaileetako bat izan zen.
Anbizio handikoa da, bi alaba ditu eta gaztetan saskibaloi jokalaria izan zen, Estudiantes taldean.
Albiste gehiago politika
Irailaren 14an independentziaren aldeko manifestazio bat deitu du Ernaik Donostian
"Ekin eta bultza" lelopean, Euskal Herriko independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.
Sarek eta Bilboko Konpartsek 'Bizkaiko Etxera Eguna' deitu dute abuztuaren 22rako Bilbon
Aste Nagusiarekin batera, ETAko preso, iheslari eta deportatuen itzulera eskatzeko manifestazioak, bazkari herrikoiak eta kontzertuak izango dira. Antolatzaileek gogorarazi dute gizarteak "gatazkaren zauri mardulenak gainditu" dituela eta "badela garaia 'Etxera' aldarria erreibindikazio izatetik lorpen izatera pasatzeko".
Luberrik Bilboko Konpartsek berriz "baztertu" dutela salatu du, "irizpideak bete arren"
Gazte Koordinadora Sozialistarekin (GKS) lotutako konpartsak jarduerak egingo ditu Aste Nagusian, "normaltasunez parte hartu" ezin duela agerian uzteko eta "bere espazioa" eskatzeko.
Covitek jaietan ETAko presoen aldeko pankartak agertu izana salatu du
Bilboren kasuan, Txoribarrote konpartsak "pankarta handi bat" zabaldu izana kritikatu du Covitek, "Euskal preso eta iheslariak etxera" aldarria idatzita duena. Donostiako Udalak kendu egin ditu hiriko ikastetxe publiko bateko fatxadan zeuden pankartak
Goia kexu agertu da Espainiako Gobernuarekin, Malitik etorritako migratzaileekin duen ardurari ez baitio behar bezala heltzen
Donostian bizi diren migratzaile maliarren egoeraz galdetuta, Eneko Goia alkateak Euskadi Irratiko Faktoria saioan adierazi du behin-behineko irtenbidea aurkitu dutela Arantzazun, eta adierazi du Espainiako Gobernuak Malitik etorritako migratzaileekin duen ardurari ez diola behar bezala heltzen.