Senitarteko eta lagunek Joxe Mari Korta gogoratu dute Zumaian
Joxe Mari Korta ETAk gaur 14 urte hildako enpresaburua gogoratu dute gaur, Zumaian, haren senitarteko eta lagunek. Erakundeetako eta alderdi politiko nagusienetako ordezkaritza zabal batek hartu du parte Adegiko burua izan zenaren aldeko omenaldian.
12:00etan hasi da ekitaldia, Korta hil zuten lekuan, bere enpresaren atarian. Elkarretaratze isil bat egin dute enpresaburu zenaren monolitoaren aurrean, eta, ondoren, lore-eskaintza egin diote. Kortaren alarguna eta semeetako bat egon dira bertan, besteak beste.
Eusko Jaurlaritzaren izenean, Jonan Fernandez Bake eta Bizikidetza saileko idazkari nagusia eta Monika Hernando Giza Eskubide eta Biktimen bulegoko zuzendaria izan dira gaur Zumaian. Gipuzkoako Foru Aldundiaren ordezari gisa, berriz, Martin Garitano Gipuzkoako Aldun Nagusia, Ikerne Badiola Kultura eta Euskara diputatua eta Jon Pelli Uriguen Berrikuntza diputatua joan dira. Bakartxo Tejeria Eusko Legebiltzarreko presidenteak ere hartu du parte ekitaldian.
Alderdi politiko nagusienetako ordezkaritza zabala izan da Kortaren aldeko elkarretaratzean. Besteak beste, Pernando Barrena Sortuko bozeramailea izan da, Alberto Unamunzaga (Amaiur) eta Pello Urizarrekin (EA) batera.
Bestalde, ogibide izan zituen enpresaburu asko izan dira omenaldian, tartean, Miguel Angel Lujua Confebaskeko presidentea eta Pello Gibelalde Adegikoa.
Elkarbizitza baketsu baterantz, "urratsak"
Joxe Mari Kortaren Bidetik fundazioak antolatu du ekitaldia. Elkarretaratzearen ondotik, Jesus Mari Mujika fundazioko bozeramaileak hartu du hitza, eta hiru mezu helarazi nahi izan ditu. Batetik, eskerrak eman nahi izan dizkie, fundazioaren izenean, "gorrotoa eta mendekua gainditu eta, herri honetan gertatu denaren irakurketa zintzoa eta autokritika egin ondoren, bizikidetzaren alde pausoak ematen ari direnei". Mujikaren hitzetan, gizarteak geroz eta argiago ditu elkarbizitza egoki bat eraikitzeko baloreak zeintzuk diren.
Bestalde, elkarbizitzaren alde "pausoak ematen ari ez direnak" aipatu ditu fundazioko bozeramaileak. "Bada zenbait jende pausorik eman nahi edota ematen ausartzen ez dena. Horiei gauza bat esan nahi diegu: gure ustez, pauso horiek ez emateak, beste batzuk ematen ez dituztenaren aitzakian, ez du balio. Pausoak norberak eman behar ditu eta horrek besteak ere behartuko ditu urratsak ematera", nabarmendu du.
Azkenik, belaunaldi berriak izan ditu gogoan Mujikak. "Garaia da belaunaldi berriek elkarbizitza baketsu batera ohitu daitezen eta ez indarkeria ikustera, eta, askotan, justifikatu beharrera. Belaunaldi berriei hori zor diegu eta gure fundazioaren helburua horixe da", gaineratu du.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.