Kataluniako Diada, zenbakitan
Kataluniako Diadako ekitaldi nagusia Kataluniako Biltzar Nazionalak deitu du aurten ere, hirugarrenez jarraian. 2012. urtean martxa jendetsua deitu zuen Bartzelonan, iaz giza kate bat Katalunia osoan, eta aurten, "V" formako manifestazio bat egingo du hiriburuan. Hona hemen protesta horretako zenbaki batzuk:
- 300 urte dira 1714. urteko irailaren 11n borboien tropek Bartzelona mendean hartu zutela. Efemeride hori urtero oroitzen dute Katalunian, Diada egunean.
- 11 kilometro luze izango da "V" formako manifestazioa, Bartzelonako bi kale batuta.
- 200.000 metro karratu beteko ditu protestak.
- 455.000 pertsonak eman zuten izena iaz giza katea osatzeko. Aurten, antolatzaileek ez dute oraindik argitu zenbat partaide izango dituen, baina zenbaki hori gainditu egin dutela aurreratu dute.
- 1.500.000 pertsonak hartu zuten parte iaz giza katean, aldez aurretik izena eman zutenak eta eman ez zutenak zenbatuta.
- 130.000 euroko kostua izango du aurtengo protestak.
- 80 hiriburuk bat egingo dute "V" formako manifestazioarekin, tartean Londres, New York, Paris, Brusela eta Washington.
- 300 biolontxelo-jotzailek kontzertua eskainiko dute 08:00etan, ordu horretan menderatu baitzuten Rafael Casanovas, 1714. urtean.
- 54 'casteller' talde arituko dira "V" formako ibilbidean zehar.
- 947 hautetsontzi sinboliko (Kataluniak duen herri bakoitzeko bat) jarriko dituzte Bartzelonan, herritarrek azaroaren 9an bozkatu nahi dutela islatzeko.
- 60 egun faltako dira irailaren 11n azaroaren 9rako deitutako kontsulta independentista egiteko.
Zure interesekoa izan daiteke
Tentsioa Lasarte-Orian Voxen presentziaren aurkako protesta batean
Ertzaintzak segurtasun hesia ezarri du Voxen mahaiaren inguruan, eta bertan bildutakoak desegiten saiatu da, eta, azken orduan, tentsio uneak sortu dira. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox herrian egotea.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.
Pradales lehendakariak Tzitzikostas komisarioak Euskal Y-ari emandako "bultzada" txalotu du
Lehendakariak "plangintzatik gauzatzera pasatzea" eskatu du, eta, horretarako, beharrezkotzat jo du Parisko Gobernuaren inplikazioa eta konpromisoa. Gainera, 2026ko hasieran goi-bilera bat egitea espero du, "Euskadiren garapenerako lotura estrategiko" horretan aurrera egiteko.
EHUko errektorearen eta Unibertsitate sailburuaren arteko bilera pribatua izango da
Hitzordua, egin, egingo da: ez da data zehatza zehaztu, baina azaroaren 19a baino lehen izango da, orduan agertuko baita errektorea Eusko Legebiltzarrean.