Bartzelonako erdigunea jendez bete nahi du ANCk Diada egunean
Kataluniako Asanblada Nazionalak (ANC) 2014ko Diada egunean, irailak 11, Bartzelonako erdigunea jendez betetzeko deialdia egin du. Helburua erdiguneko Kale Nagusia (Gran Vía) eta Zeharkako kalea (Diagonala) bete eta V bat irudikatzea izango da, "bidearen, borondatearen, bozkaren eta garaipenaren sinbolo gisa". Halaber, azaroaren 9ko galdeketaren alde udaletxe atarietan egingo diren kontzentrazioetan parte hartzera deituko ditu udal hautetsiak, erakundeak eta hiritarrak.
Hala iragarri dute Kataluniako Asanblada Nazionaleko ordezkariek Tarragonan egin duten bileran. ANCk iragarri duenez, irailaren 11koa"ekitaldi zentralizatua eta deszentralizatua, presentziala, birtuala, tokikoa eta globala izango da", eta ikus-entzunezko hainbat plataformaren bitartez zuzenean eskainiko da. Halaber, 20:14an mobilizazioa egingo dute sare sozialetan.
"Ez dago Kataluniaren arima eusteko adinako luzera duen kalerik, ezta Kataluniako izarra zerura eramateko errepiderik ere"; azaldu du Victor Cucurull ANCko kide eta historialariak. Horren esanetan, ekitaldiak ez dira Diada egunera mugatuko eta ekitaldi osagarriak egingo dira udan eta udazkenean.
Bestalde, Kataluniako Asanblada Nazionalak independentzia lortzeko bide-orria adostu eta aurkeztu du. Lau eszenario posible aurreikusten dituzte: Espainiako Gobernuaren baimenarekin egitea galdeketa, Estatuaren kontrako jarrerarekin egitea, nahikoa bermerik ez dagoelako galdeketa bertan behera gelditzea edo Estatuak Kataluniako erakundeetan esku-hartzea.
Gaur adostutako egutegi horren arabera, 2015eko apirilaren 23an, Sant Jordi egunean, aldarrikatuko luke Kataluniak independentzia.
Zure interesekoa izan daiteke
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.
Zuzenean: Carlos Garaikoetxeari agurra, Ajuria Enean
Euskal gizartearen ordezkaritza zabala bertaratuko da Gasteizera, Ajuria Enea jauregira, Carlos Garaikoetxea lehendakariari azken agurra emateko. Besteak beste, honakoak joango dira: Imanol Pradales lehendakaria, bere aurreko hiru agintariak, Eusko Legebiltzarraren presidentea eta Mahaiko kideak. Politikari eta herritar ugari ere bertaratuko dira.
Albiste izango dira: Carlos Garaikoetxeari agurra Ajuria Enean, hantabirus agerraldia eta Tubos Reunidosko langile eta zuzendarien arteko bilera
Gaurkoan Orain-en albiste izango direnen laburpena, bi hitzetan.
Ajuria Eneak ateak zabalduko ditu Carlos Garaikoetxeari agurra egiteko
Ondoren, hilkutxa Iruñeko hilerrira eramango dute, bere jaioterrira, eta bertan egingo dute hileta-elizkizuna. Horrela emango diote azken agurra demokraziako lehen lehendakariari. Ajuria Eneko hil-kapera zuzenean jarraitu ahalko da Orain-en eta ETB1en.