Memoria historian lehentasunak ezartzeko programa iragarri du Urkulluk
Eusko Jaurlaritzak "memoria historikoan egin beharreko urratsak, lehentasunak" ezartzeko programa bat abiatuko du, nazioarteko zuzenbidea oinarri izango duena, Iñigo Urkullu lehendakariak igande honetan iragarri duenez.
Frankismoaren kontrako borrokan duela 78 urte Aisastian hil ziren 14 gudariei omenaldia egin diete gaur Elgoibarko San Miguel gainean, eta lehendakariak bertan aurreratu du Jaurlaritzak memoria historikoaren alorrean egin nahi duena.
Gudarien aldeko ekitaldiak San Miguel frontoian eta Zirardamendiko mendi magaletan egin dira. Zirardamendin, hain zuzen ere, hainbat hilobi aurkitu eta hildako gudarietako bi ere identifikatu zituzten, eta tokian bertan lore eskaintza egin diete.
Urkulluk tropa frankistei aurre egin zieten gazteen balorea nabarmendu du, izan ere, "euren sakrifizioarekin frankisten garaipena atzeratzea lortu zuten, eta horrek Gernikan lehen Eusko Jaurlaritza eratzea ahalbidetu zuen". "Iraganera begirako ekitaldi honek Euskadiko etorkizuneko elkarbizitza eraikitzen du", nabarmendu du Urkulluk.
Eusko Jaurlaritza "zehaztutako helburuekin" aurrera egiten ari dira, Urkulluren arabera. Lehenengoa "biktimen politika publikoa bultzatzea da, egindako giza eskubideen urraketei argia jartzeko, frankismoaren biktimei eragindako mina aitortzeko eta gutxienez horiei erreparazio morala eskaintzeko". Bigarren helburua gizarteari begirakoa da, "eta diktadura frankistak suposatu zuen bidegabekeria aitortu duen politika publikoa bultzatzea da".
Politika horrek "duintasuna, askatasuna eta demokrazia defendatzeko borroka egin zuten horien baloreak berreskuratzea du helburu", eta baita berriz errepika ez dadin pedagogia soziala bultzatzea ere. "Ez dadila errepikatu biolentzia gehiagorik ez gure herrian", nabarmendu du.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.