'EiTBren independentzia' defendatu du Iturbek kritiken aurrean
Maite Iturbe EiTBko zuzendari nagusiak Eusko Legebiltzarrean azalpenak eman ditu, PPko Nerea Llanosen eskariari erantzunez, EiTBk bere albistegietan erabiltzen dituen irizpideen inguruan. EiTB "EAJren eta Eusko Jaurlaritzaren mesedetan" aritzen dela salatu dute EH Bilduk, PSEk, PPk eta UPyD. Kritika horien aurrean, albistegien "profesionaltasuna eta independentzia" defendatu ditu Iturbek.
EiTBren Kontrol Batzordean egin duen agerraldian, Iturbek esan du taldeko espazio informatiboak "pluralak" direla. "Beste hedabide batzuen aldean, EiTB kazetaritza independentearen garantia da. Kazetaritza profesionala, sinesgarria eta irekia egiten dugu, euskaraz eta gaztelaniaz. Horretan datza EiTBren prestigioa eta lidergoa", nabarmendu du.
Iturberen hitzetan, Euskal Herriko sentsibilitate politiko guztiek dute "presentzia bermatuta" EiTBn. "Bermatzen al dute PSOEk eta PPk zuzentzen dituzten komunikazio-talde publikoek EiTBk bermatzen duen besteko oreka?", galdetu du.
"EiTBren profesionaltasuna" emaitzetan islatzen dela ere esan du zuzendari nagusiak. EiTBko albisteak "kualitatiboki ondoen baloratuenak" eta "kuantitatiboki audientziaren gehiengoa bereganatzen dutenak" direla gaineratu du.
Nerea Llanos popularrak gogor kritikatu du Iturberen hitzaldia. Gaurko agerraldia oposizioa "jipoitzeko" eta bere lana zalantzan jartzen dutenei "eraso egiteko" erabili izana egotzi dio EiTBko buruari.
Iturbek buruzagi popularrari gogorarazi dio agintaldia hasi zuzenetik bederatzi agerraldi egin dituela Eusko Legebiltzarrean, 26 gai aztertzeko. "Kontrol-sistema hau oso ona da EiTBrentzat, baina zalantza du Alderdi Popularrak bere egiten ote duen sistema bera beste telebista autonomiko batzuetan edo RTVEn bertan. Susmoa dut parlamentuetan PPren gehiengoa dagoenean, ez dela halako debaterik gauzatzen", zehaztu du.
Taldeen errondan, Luke Uribe-Etxeberria EAJko legebiltzarkideak hartu du aurrena hitza. Iturberen ildo beretik, buruzagi jeltzaleak esan du EiTBren albistegien irizpideak bertako "profesionalei" dagozkiela eta audientziei erreparatuta, ETBko albistegien "lidergoa" nabarmendu du.
Unai Urruzuno EH Bilduko bozeramaileak, berriz, EiTBren objektibotasun eza salatu du, eta EAJrentzat "deserosoak" diren gaiak ekiditea egotzi dio hedabide publikoari. Urruzunoren irudikoz, "Eusko Jaurlaritzaren nodo" bilakatu da EiTB eta hori frogatzeko Jaurlaritzako ordezkariek albistegietan duten presentzia ikusi besterik ez dagoela esan du.
PSE-EEren izenean, Mikel Unzaluk hartu du hitza. Oposizioko alderdi guztiek EiTBren "ildo editoriala" kritikatzen badute, "arazoa" begi-bistakoa dela esan dio Iturberi Unzaluk.
Azkenik, UPyDko Gorka Maneirok ere, EAJren eta Eusko Jaurlaritzaren mesedetan aritzea egotzi dio EiTBri. Iturberen dimisioa, berriro, eskatuko duela iragarri du.
Zure interesekoa izan daiteke
Euskara profilen aurkako “estrategia antolatua” eta "praktika sasimafiosoak" arbuiatu ditu Otxandianok
EH Bilduk Eusko Legebiltzarrean duen bozeramaile Peio Otxandianok dio euskararen hizkuntza eskakizunen aurkako errekurtso judizialen jarioaren atzean “antolatutako bultzada bat” dagoela. Erabaki judizial horien argitan, EAJri eta PSE-EEri eskatu die Enplegu Publikoaren Legearen erreforma bat negoziatzera eser daitezela, sistema blindatzeko, eta, salatu duenez, bi alderdiek uko egin diote erreforma hori egiteari.
Albiste izango dira: Industria Defendatzeko Taldearen bilera, martxoaren 11ko atentatuen urteurrena eta aurreakordioa EAEko eskola publikoetako jantokietan
Gaurkoan Orain-en albiste izango direnen laburpena, bi hitzetan.
Konstituzioko laugarren xedapena indargabetzea eskatu du UPNk, "independentismoa hazten ari baita une honetan"
Cristina Ibarrolak adierazi du UPNren aspaldiko nahia dela xedapen hori indargabetzea, Konstituzioa erreformatuta, eta orain egiteko premiaren arrazoien artean "euskal independentismoa" izaten ari den bilakaera aipatu du.
Ikasle-mugimenduaren aurkako kriminalizazio kanpaina salatu du EHUko ikasle talde batek
Gasteizko EHUko Letren fakultate atarian egindako agerraldian, ikasle talde batek Voxen agerraldiari eta Martxoaren 3ari lotuta ikasle-mugimenduak jasandako kriminalizazioa gaitzetsi dute. Ikasle hauek "EAJ eta eskuineko hainbat komunikabide" jo dituzte kanpaina horren erantzule.
Espainiako Gobernua "erantzun integrala" prestatzen ari da Ekialde Hurbileko gerraren ondorio ekonomikoak arintzeko
Familiak, enpresak eta autonomoak babesteko eta trantsizio energetikoa bizkortzeko neurriak hartuko ditu, eta ez da baztertzen beherapen fiskalak egitea.
Pradales lurralde arteko lankidetzaren alde agertu da, "krisiak eta gerrak pilatzen" ari baitira testuinguru globalean
Akitania-Euskadi-Nafarroa Euroeskualdea integrazioaren adibide dela azpimarratu du "Europara ziur iritsiko diren eztabaidei aurrea hartzeko" gunea.
Euskal Hirigune Elkargoaren funtzioaren eta izaeraren inguruko eztabaida, hauteskunde kanpainan
Ipar Euskal Herrian udal hauteskundeak egingo dituzte martxoaren 15 eta 22an. 158 udaletako ordezkariez gain, Euskal Hirigune Elkargoa ere osoki berrituko dute. Azken erakunde hori 2017an sortu zen, eta bere zereginaren inguruko eztabaida oso presente dago kanpainan. Hainbat eragileren iritziak bildu ditu ETBk, aldekoak zein kontrakoak.
Auzitegiak onartu egin du Iñigo Errejonen aurkako bigarren sexu-eraso salaketa
2021ean gertatu omen zen sexu-eraso batekin lotuta dago azken hori, Elisa Mouliaa aktoreak aurkeztutako salaketaren ondoren.
EAJk Espainiako Gobernua estutu du "Tubos Reunidosek zorra berregituratu" eta bideragarritasun plan bat landu dezan
Jeltzaleek ohar baten bidez jakinarazi dutenez, industriak "une zailak bizi ditu Estatu osoan, argindarraren prezio altuen ondorioz". "Horregatik, denbora daramagu energia prezio lehiakorragoak lortzeko neurriak eskatzen", esan dute.
EH Bilduk "inperialismoaren aurka eta bakearen alde" egingo du Aberri Egunean
Iruñean, "zazpiak bat egin" lelopean, Euskal Herria "herri bat" eta "aske izan nahi duen nazio bat" dela aldarrikatuko du.