EH Bilduk "inperialismoaren aurka eta bakearen alde" egingo du Aberri Egunean
Iruñean, "zazpiak bat egin" lelopean, Euskal Herria "herri bat" eta "aske izan nahi duen nazio bat" dela aldarrikatuko du.
Euskal Herria "herri bat" eta "aske izan nahi duen nazio bat" dela aldarrikatuko du EH Bilduk apirilaren 5ean Iruñean, Aberri Egunean. Aldarrikapen horri, aurten, "inperialismoaren sarraskien" eraginpean dauden herriekiko elkartasuna gehituko zaio.
Miren Zabaleta EH Bilduren Nafarroako arduradun politikoak eman du horren berri, apirilaren 5ean, igandean, Iruñean "zazpiak bat egin" lelopean egingo den Aberri Eguna aurkezteko agerraldian.
Zabaletaren hitzetan, "faxismoari aurre egiteko, Euskal Herriko langileen bizi-baldintzak duintzeko, eskubide sozialak bermatzeko eta euskarari bultzada berri bat eskatzeko" ere izango da hitzordua.
Aldarrikapenerako ez ezik, ospakizunetarako ere hitzordua izango dela adierazi du, baina ekitaldi nagusia eguerdian Antoniutti parkean amaituko den manifestazioa izango da.
Horregatik guztiagatik, "Euskal Herria gure nazioa dela aldarrikatzeko Iruñeko kaleak betetzeko" gonbidapena egin du Zabaletak.
Agerraldian izan dira, era berean, EH Bilduko hainbat kargu instituzional, besteak beste, Joseba Asiron Iruñeko alkatea. Asironek adierazi du apirilaren 5ean Iruñea "inperialismoaren aurkako eta bakearen aldeko aldarria" izango dela. "Berriz ere argi eta garbi esango dugu herri guztiek dutela beren subiranotasuna errespetatzeko eskubidea", gehitu du.
Hori horrela, "eraso inperialista jasaten ari diren eta herritarrak hiltzen ari zaizkien herriekiko" elkartasuna azpimarratu du.
"Ahotsa altxatu eta bakea eta eraso inperialisten amaiera eskatzeko garaia da. Euskal Herriak esan zion ezetz NATOri, ezezkoa gerrari eta baiezkoa bakeari, baiezkoa askatasunari. Aberri Eguna herri gisa ditugun eskubideak aldarrikatzeko, bakea eskatzeko eta gerraren amaiera eskatzeko mobilizazioa izango da", azpimarratu du Asironek.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.