D eredua eremu ez euskaldunetara zabaltzeko lehen urratsa eman dute
Nafarroako Euskararen Legea aldatzeko legez besteko proposamena aurkeztu dute Izquierda-Ezkerrak, PSNk eta Geroa Bairen atxiki gabeko parlamentariek. Ekimenak aurrera egingo du Foru Parlamentuan, taldeon eta Bildu eta Aralar-NaBai alderdien aldeko botoei esker. Hori horrela, 28 urteren ondoren, eremu ez euskalduneko ikasleek euskaraz ikasi ahalko dute.
Marisa de Simon eta Txema Mauleon Izquierda-Ezkerrako parlamentariek, Pedro Rascon sozialistak eta Manu Ayerdi Geroa Baiko kideak erregistratu dute proposamena.
Foru erkidegoan euskara normalizatzeko "pauso garrantzitsua" ekarriko du ekimenak, sustatzaileen esanetan. Izan ere, Euskararen Legea onartu zenetik (duela 28 urte), lehen aldiz euskaraz ikasi ahalko dute eremu ez-euskalduneko ikasleek.
Euskararen Legearen 26. artikulua moldatzea ekarriko du legez besteko proposamenak. Eremu ez euskaldunean euskaraz ikasteko aukera eskaeraren arabera eskaini beharko dela zehaztuko du.
Izquierda-Ezkerrak bultzatu du ekimena. Jose Miguel Nuin taldeko bozeramailearen hitzetan, "aldaketa historikoa izango da, Nafarroako familiek, zein eremutan bizi diren gorabehera, euskaraz ikasteko aukera izango dutelako".
Pedro Rascon PSNko eledunak azaldu duenez, bestalde, moldaketak ez du zehaztuko eskaera egiteko gutxieneko ikasle kopurua, baina "beste edozein eredu ezartzeko eskatzen den bera izango da".
"Nahikoa ez" dela iritzita, Bilduk eta Aralarrek ez dute proposamena sinatu, baina babestu egingo dutela iragarri dute.
Bi hilabeteren buruan bozkatu eta onartuko dute legez besteko proposamena.
Albiste gehiago politika
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.