Konstituzioaren 'ate eta leihoak zabaltzea' proposatu du Iglesiasek
Pablo Iglesias Podemoseko buruzagiak Espainiako Konstituzioaren "ate eta leihoak" zabaltzea proposatu du, "gai guztiak eztabaidatuko dituen asanblada konstituziogile bat eratzeko". Lurraldetasuna ez ezik, beste gai batzuk eztabaidatzeko balioko luke asanblada horrek, hala nola, ekonomia demokratizatzeko eta subiranotasuna eta eskubide sozialak defendatzeko.
Cadena Ser irrati katean egin dioten elkarrizketa batean organo horren aldeko aldarria egin du Iglesiasek: "Herritarrek ordezkariek herri moduan zelan antolatu nahi garen eta zer herri-proiektu nahi dugun aukeratzeko asanblada eratu behar da".
Podemosen idazkari nagusiak hitz gogorrak izan ditu Alderdi Popularreko eta Sozialistako kideen kontra: "PP eta PSOEren karneta duten sistemaren kontrako kideek trantsizioan lortutako garaipen sozialak suntsitu dituzte", agertu du. Hain justu, prozesu konstituziogile horrek orduko balioak berreskuratzen lagunduko luke, Iglesiasen aburuz.
"Berreskuratu dezagun jaka eta gorbatadun sistemaren kontrako horiek lapurtu digutena", aldarrikatu du. "Antisistema horiek Konstituzioaren 135 artikulua aldatu zuten udako oporretan, eta Magna Carta ezerezean utzi dute".
'España, herrien herria'
Iglesiasen irudiko, "herrien herria, nazioen herria" da Espainia. Horren ildoan, Katalunia "Espainiatik joatea" nahi ez duela azpimarratu du. Izan ere, haren hitzetan, posible da "herria eraikitzea; galegoak, katalanak, euskaldunak edo andaluzak eroso sentituko diren proiektu anitz bat eratzea".
Agertu duenez, ziur da Podemoseko kideak ikustean "katalan askok" hauxe diotela: "Nahiago dut Podemos nagusi den Espainia batean egon, CiUk edo Mas jaunak zuzendutako Katalunia batean baino".
Banketxeak eta Europako Banku Zentrala
Podemos proiektu ekonomikoa zehazteke badu ere, "egindako lanari esker" bi edo hiru etxebizitza dituzten horiek "lasai egon" daitezkeela nabarmendu du Iglesiasek. Argitu duenez, "lan egiten ez duten alprojen eta espekulazioan aritzen diren eta ehunka etxebizitza huts dituzten banketxeen kontra" arituko dira buru duen alderdian.
Salatu duenez, lotsagarria da Espainiako lau lagunetik bat pobrea izatea eta "haur malnutrizioa" egotea. Haren ustetan, "larregitan belauniko jarri diren agintariak" dira horren erantzule.
Haratago ere joan da Iglesias. Arrisku-prima "xantaia" egiteko elementu bihurtu dela kritikatu du, eta ingurumaria horretan, Europako Banku Zentrala begiz jo du: "Lobbien eta inork aukeratu ez dituen kalifikazio agentzien presioak jasotzeari utzi behar dio", erantsi du.
Zure interesekoa izan daiteke
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.