'Ulergaitza da presoek onurak lortzeko eskaerarik egin ez izatea'
Legeak aurreikusten dituen espetxe onurak lortzeko EPPKko presoek “bana-banakako” eskaerak egin ez izana “ulergaitza” dela esan du gaur Josu Erkoreka Jaurlaritzako bozreamaileak.
Gobernu bileraren ondorengo agerraldian, ETAko preso batzuek Euskal Herriko espetxeetara gerturatzeko egin dituzten eskaerei buruz mintzatu da Erkoreka.
Erkorekak azpimarratu duenez, gerturatzea eskatzea “eskubidea da”, eta espetxe onurak eskatzea bestelako bide bat da.
Horren haritik, bozeramalearen esanetan, ETAko presoek bidalitako eskariak “ez datoz bat banan banako eskera zehatzekin”, EPPKk iazko abenduan espetxe politika onartu eta esparru horretan jarduteko konpromisoa hartu zuenean esan bezala.
“Ulergaitza da konpromiso politikoa eskera formal ez bihurtzea, aurrera egiteko”, esan du. Hori dela eta, eskari horiek “onartzeko arazoren bat” izango dute, bere ustean.
Bestalde, Iñigo Urkullu lehendakariarekin batzartu ondoren, Espainiako erregeak “bere ondorio propioak” atera beharko ditu Estatu ereduaren inguruan, Josu Erkoreka Jaurlaritzako bozeramaileak adierazi duenez.
Urkullu ostiralean bildu zen Felipe VI.a erregearekin. “Errespetuzko bilera instituzional bat” izan zela esan du Erkorekak.
Erkorekak lehendakariaren eta erregearen arteko bileraren xehetasun gehiago eman ditu. Egoera ekonomikoaz, normalizazio politikoaz edota euskal autogobernuaren etorkizunaz aritu ziren, besteak beste.
“Erregeak entzun egin zuen, baina ez zen konpromiso zehatzik izan. Lehendakariak ere entzun egin zuen, baina ez zion erregearengandik konpromisorik lortu”, erantzun du Erkorekak bere agerraldian.
“Lehendakariak bere kezkak eta iritziak azaldu zizkion erregeari. Bere rola bete du, eta orain Estatuko buruzagiak bere ondorioak atera beharko ditu, ez bakarrik lehendakariak esandakoa entzun ondoren, baita beste bozeramaile politikoek esango dionaren ondoren ere”.
Albiste gehiago politika
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.