Duran i Lleidak plebiszitu-hauteskundeez hitz egitea onartu du
Josep Antonio Duran i Lleida UDCko burua Artur Mas Generalitateko presidenteak proposatutako bide orria aztertzeko eta gaiaz hitz egiteko prest agertu da. Atzo, hauteskundeak, plebiszitu-hauteskundeak, hain zuzen ere, deitzeko prest agertu zen Mas, eta hauteskunde horietara begira alderdi soberanistek zerrenda bateratua aurkeztea proposatu zuen.
UDCren apustua, independentzia baino gehiago, konfederazioa dela nabarmendu du, eta hitz egiteko prest agertu da, baina lehentasuna "egonkortasun politikoa eta gobernagarritasuna" bermatzea dela azpimarratu du.
TVE telebista-kate publikoari eskainitako elkarrizketan eta Diputatuen Kongresuko pasilloetan egin ditu adierazpen horiek. Duran i Lleidak ohartarazi duenez, ez da gauza bera plebiszitu-hauteskunde horiei begira independentziaren aldeko alderdiek zerrenda bateratua aurkeztea eta CiU eta ERC koalizioan aurkeztea.
Ildo horretan, UDCko burua ez da oso baikor agertu Artur Masen proposamenaren inguruan, baina "ez Masengatik, ERCk eta beste alderdiek oso erraz ezetz esango baitiotelako baizik".
Duran i Lleidaren iritziz, proiektu independentista ez ezik, garatu nahi den gizarte eredua eta eduki ideologikoak ere garrantzitsuak dira.
Horren iritziz, hauteskundeak aurreratzeak zentzua izango du soilik "legalki egin ezin izan zena egiteko bada", eta prozesuan inplikatutako beste aktoreek nola erantzuten duten ikustea beharrezkoa dela nabarmendu du.
"Oraindik ere hobekuntzarik nabari ez den egoera ekonomiko honetan" hauteskundeak berriro deitzea "gehiegizkoa" dela esan du, eta Masekin askotan hitz egiten duela eta CiUren baitan "hausturarik" ez dela izango gaineratu du.
Bestalde, Mariano Rajoy Espainiako Gobernuko presidentearekin nahiko maiz hitz egiten duela aitortu ostean, proposamenik ez egitea egotzi dio Rajoyri. "PSOEk, behintzat, Konstituzioa aldatzea proposatu du", gaineratu du.
Albiste gehiago politika
Antxon Alonso enpresariak ukatu egin du Cerdan Servinabarren bazkide zela
Epailearen aurrean egindako deklarazioan, Alonsok aitortu du PSOEko antolakuntza idazkari ohiak Servinabarren bazkide izateko dokumentua sinatu egin zuela, baina bazkidetza ez zela inoiz gauzatu. Horrekin batera, onartu du Abalos ministro ohiaren fundazioari 4.500 euro eman zizkiola.
Sanchezek ustelkeriaren aurkako neurri sorta “handia” eramango du Kongresura, “konfiantza berreskuratzeko” asmoz
Horixe jakinarazi du Felix Bolaños Espainiako Presidentzia, Justizia eta Gorteekiko Harremanen ministroak, “milioika espainiar atsekabetuta, triste eta desengainatuta” sentitzea ulertzen duela azaldu aurretik.
Asensio “ziur” dago Cerdanen auziak ez duela PSE-EEko inor zipriztinduko
Miguel Angel Morales Antolakuntza idazkariaren izena UCOren txostenetan omen dagoela dioten informazioen aurrean, “urte hauetan Moralesek herriari egin dion zerbitzua” defendatu du Jose Ignacio Asensiok Euskadi Irratiko “Faktoria” saioan egindako elkarrizketan, eta ziur agertu da, "PSE-EEko inori buruz ez baita ezer aterako”.
Antxon Alonsok, Servinabar enpresan Cerdanen ustezko bazkideak, astelehen honetan deklaratuko du Auzitegi Gorenean
PSOEko Antolakuntza idazkari ohiaren eta EAJko eta EH Bilduko kargudunen artean bitartekari lanak egin zituen pertsona ere bada.
Otegi: "Ohore bat da, Euskal Herritik ez zarete pasatuko"
EH Bilduko idazkari nagusiak argi utzi du "ohorea" dela Alderdi Popularrak koalizioaren aurka "babes-hesia" ezartzea.
Gobernura iristen bada, Feijook ez dio osasun-hesirik jarriko ez Voxi, ez PSOEri, EH Bilduri baino ez
Alderdi Popularraren XXI. Kongresu Nazionalaren amaieran egindako hitzaldian, Sanchezen aurkako hitzak izan ditu nagusi, eta "zentraltasuna alde batera utzi" eta Sanchezek alderdia, herrialdea eta gutxiengoak "mendean hartu nahi" dituela leporatu dio, bai eta Espainia nazio anitza dela "ahaztu" izana ere.
Feijoo: "Gure herrialdea berreraikitzea da nire konpromisoa"
PPren burua berriro hautatu dute alderdiko presidente botoen % 99,24ko babesarekin. Hain zuzen ere, Feijooren lidergoa indartzea eta gobernu-alternatiba gisa agertzea helburu dituen XXI. Kongresu Nazionala egiten ari dira popularrak asteburu honetan.
Yolanda Diaz: "Pedro Sanchezek ez du herrialdea demokratikoki berreraikitzeko neurririk proposatu"
Espainiako Gobernuko Lan ministroak Pedro Sanchezek PSOEren Batzorde Federalean egindako agerraldia kritikatu du, eta, ohartarazi duenez, "aldaketarik ezean", asteazkenean Kongresuko osoko bilkuran egingo duen agerraldian "Alderdi Sozialistaren izenean hitz egingo du Sanchezek, ez Gobernuaren izenean".
Sanchezek hamahiru neurri proposatu ditu alderdi barruko ustelkeria kasuei aurre egiteko
Rebeca Torro valentziarra, orain arte Industriako Estatu idazkari zena, izango da Cerdanen ordezkoa. Ezagunak ziren polemikez gain, orain beste bat gehitu zaie, Salazarrek uko egin baitio bere karguari sexu-jazarpen salaketengatik.