Masen formula: plebiszitua eta independentzia 18 hilabetean
Katalunian plebiszitu hauteskundeak egiteko bere proposamenak eta baldintzak azaldu ditu gaur Artur Mas Generalitateko presidenteak. Hauteskundeak deitzeko prest agertu da Mas, baina independentziaren inguruko behin betiko kontsulta izateko beti ere.
“Aurreko puntua betetzen baldin bada soilik aurreratuko ditut hauteskundeak. Gobernua aldatzeko egin nahi baldin badituzte, 2016ko amaierara arte itxarongo dugu”, ohartarazi du, hau da, legealdia bukatu arte. Presidenteak bere bide orria azaldu du Bartzelonan, 3.000 gonbidaturen aurrean.
Horrela, plebiszitua egiteko datarik ez du zehaztu buruzagiak. Masen hitzetan, hauteskunde normalak deituko lituzkete, baina “alderdi politikoek eta gizarte zibilak” plebiszitua bihurtuko dituzte ondoren. Hala ere, hauteskunde horiek egiteko baldintzak eta proposamenak mahai gainean jarri ditu agintariak. “Noiz arazo bat ez dela izango bermatu dezaket, baina lehenago gainerako puntuak konpondu behar ditugu”, adierazi du.
Besteak beste, hauteskundeetara zerrenda independentista bakarra aurkeztea proposatu du presidenteak. Zerrenda bakarra alderdi politikoetako ordezkariek, adituek eta gizarte eragileetako kideek osatzea proposatu du, gehiengo argi bat lortzeko helburuarekin.
Xedea zerrenda bakarra lortzea da. Hauteskundeetan zerrenda horrek garaipena lortuko balu Espainiako Estatuari “negoziazio formalak” eskainiko lizkiokete Kataluniako Estatu bat osatzeko.
Masen arabera, plebiszituaren osteko legealdiak urte erdiko iraupena izan beharko luke, gero bozketa berri bat deitzeko. Azken horiek “hauteskunde konstituziogileak” izango lirateke.
Zerrenda bakarraren burua ez izateko prest
“Eskuzabala” izateko prest agertu da Kataluniako presidentea. Horrela, zerrenda bakarraren zerrendaburu ez izateko prest azaldu da.
“Zerrendako burua izan naiteke, baina baita zerrenda itxi ere, aurrenekoa edo azkena izan naiteke”, gaineratu du.
“Alderdiei bazterrera pauso bat eta gizarte zibilari aurrerapauso bat emateko eskatzen badiet, baina karrera politikoari uko eginez, ni ere eskuzabala izan behar dut”, adierazi du.
Junquerasek ez du iritzirik eman
Generalitateko presidenteak aurkeztutako bide orria baloratzea baztertu du Oriol Junqueras ERCko buruzagiak momentuz. Une politikoa aztertzeko datorren astean prentsaurrekoa emango duela iragarri du Junquerasek.
“Gaur entzutera etorri gara”, esan du Junquerasek, presidentearen hitzaldia amaitu eta gero.
“Protagonista hitz egin duena da”, eta datorren astean bere txanda izango dela gaineratu du. ‘Herri berri bati deialdia: Kataluniako Errepublika’ izenburupean prentsaurrekoa emango du ERCko buruzagiak.
Cko buruzagiak.Zure interesekoa izan daiteke
Zer da Plus Ultra auzia eta zer lotura du, ustez, Zapaterorekin?
Ustezko ustelkeria auzi hau 2021ean Plus Ultra konpainiari emandako 53 milioi euroko erreskate publikoarekin lotuta dago. Auzitegi Nazionala ikertzen ari da ea Zapaterok bitartekari lana egin ote zuen erreskatea lortzeko, ordain ekonomikoen truke.
PSOEk Zapatero babestu du, Plus Ultra auzian inputatu ostean
Justiziarekiko errespetua eskatu dute sozialistek, eta Jose Luis Rodriguez Zapatero Espainiako Gobernuko presidente ohiaren errugabetasun-presuntzioa azpimarratu dute.
Zapateroren inputazioaren osteko erreakzioak: PPk Sanchezek agerraldia egin dezala eskatu du, eta Voxek, hauteskundeak aurreratzea
Auzitegi Nazionalak inputatu gisa deklaratzera deitu du datorren ekainaren 2an, Plus Ultra hegazkin konpainiaren erreskatearen auzian. Albisteak erreakzio soka luzea ekarri du panorama politikoan.
Epaileak Jose Luis Rodriguez Zapatero inputatu du Plus Ultra auzian, eta dirua zuritzeagatik ikertuko du
Espainiako Gobernuak Plus Ultra airelineari emandako 53 milioi euro modu irregularrean erabili ote ziren ikertzen ari da Jose Luis Calama Auzitegi Nazionaleko magistratua. Inputatu gisa deklaratu beharko du Zapaterok ekainaren 2an.
Munduko Futbol Txapelketaren egoitza izateko Bilbo hautagai izango den zalantzak dituela aitortu du Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.