EH Bilduk osoko zuzenketa aurkeztuko du EAEko aurrekontuen aurka
Oskar Matute EH Bilduko legebiltzarkideak iragarri du koalizioak osoko zuzenketa aurkeztuko duela aurrekontuen kontra, proposamenen aurrean Eusko Jaurlaritzaren “mututasuna, utzikeria eta interes falta” jaso ostean.
Radio Euskadin egindako adierazpenetan Matutek gogorarazi duenez, “larrialdiko eta salbuespeneko garai batean gaude”, eta aurrekontuek herritarren “pobrezia eteteko gaitasun ekonomikoa" dute.
“EH Bilduk akordioak lortzeko borondatea eta jarrera azaldu zuen, baldintza bakar batekin: herritarren ongizatea bermatzen duten arloetan, murrizketarik ez egitea”, gaineratu du.
Joseba Egibar EAJko legebiltzarkidearen hitzetan, Jaurlaritzak, PSE-EEren abstentzioa gorabehera, “babes gehiago” bilatuko du aurrekontuak onartzeko, eta, gaineratu duenez, Ricardo Gatzagaetxebarria Ogasun sailburuak “kontraste eta zintzotasun” lana egin du talde guztiekin.
Txarli Prieto sozialistak justifikatu egin du abstentzioa, EAJrekin orain urtebete baino gehiago lortutako akordioa dela eta, baina adierazi du baiezko botoa emateko “bestelako aurrekontuak” egin beharko liratekeela, diru-sarreren atalean zein gastuen atalean.
Bestalde, Anton Damborenea PPren legebiltzarkideak azaldu duenaren arabera, PP ituna lortzeko prest dago, “baina enplegua sortzearen eta inbertsioa sustatzearen aldeko apustu garbia” izan behar da, eta, bere ustean, gaur gaurkoz, aurrekontuetan, gabezia handia dago alde horretatik. Hori dela eta, PPko kidearen esanetan, gaurtik asteazkenera bitartean, Jaurlaritzak “negoziatzeko tartea dauka”.
UPyDk, era berean, osoko zuzenketa aurkeztuko duela baieztatu du, eta PSE-EE, sinatutako aurreakordioa duenez, abstenitu egingo da, eta, horri esker, Jaurlaritzak aurrekontuak onartu ahal izango ditu.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.