Arraizen hitzak aztertuko dituzte Calparsorok eta Auzitegi Nazionalak
"Guardia Zibilari eta Estatuari mehatxu eta irain" egin diolakoan, Hasier Arraiz Sortuko presidente eta EH Bilduko legebiltzarkideak atzo egindako adierazpenak aztertzeko agindua eman dute Juan Calparsoro EAEko fiskalburuak eta Auzitegi Nazionaleko Fiskaltzak. Presoen 12 abokatu eta beste 4 lagunak atxilotzeko Mate operazioaren harira, "herri honek Guardia Zibilari xake-matea emateko unea da", esan zuen Arraizek.
Carlos Urquijo Espainiak EAEn duen ordezkariak Arraizen adierazpenak ikertzeko eskatu dio Calparsorori, eta honek eskaera onartzea eta adierazpenok ikertzea erabaki du. Auzitegi Nazionaleko Fiskaltzak, berriz, Jorge Fernandez Diaz Barne ministroak egindako eskaera aintzat hartu du.
Hasier Arraizek atzo ezker abertzaleko kolektiboaren kontrako operazioaren harian esan zuenez, “estatu terrorista baten aurrean gaude”, eta “herri honek Guardia Zibilari xake-matea emateko unea” da, “Europan askatasuna babestearen izenean guztion askatasunak murriztu nahi” dituztelako.
Arraiz foruduna denez, adierazpenok ikertzeko eskumena duen Fiskaltza zein den ebatzi beharko dute aurrena. Izatez, EAEko Fiskal Nagusiari dagokio ikerketa egitea. Behin eskumena norena den erabakita, deliturik ote dagoen erabaki beharko dute.
Urquijo: 'Ezin da zigorrik gabe geratu"
Carlos Urquijo Espainiako Gobernuak EAEn duen ordezkariaren hitzetan, Estatua "terroristatzat" jotzea edo "Guardia Zibilari xake-matea ematea" eskatzea irain eta mehatxu egitea da, eta "ezin da zigorrik gabe geratu", erantsi du. Urquijoren aburuz, "zuzenbide-estatuaren ekintza batekin ados ez egoteak ezin du aitzakia izan inor iraintzeko edo mehatxu egiteko". PPko ordezkariak azpimarratu duenez, "inor ez dago Legearen gainetik, eta gutxiago ordezkari politikoak, Legea betetzen dutela erakutsi behar baitiete herritarrei".
Fernandez Diazi "goragalea" eman diote adierazpenek
COPE irratian egindako adierazpenen arabera, Jorge Fernandez Diaz Barne ministroak esan du goragalea eman ziola adierazpen “iraingarri” horiek entzuteak, eta iragarri du Fiskaltzara joko duela delitu diren azter dezan.
Barne ministroak gogorarazi duenez, ETAk eta bere inguruak hamarkadak eman dituzte Guardia Zibilari eta Polizia Nazionalari “xake-mate” egin nahian, eta horren erakusle da 200 guardia zibil eta 150 polizia nazional hil direla askatasuna defendatzeko borrokan. “Gai honekin txantxarik ez”, erantsi du.
Gainera, Fernandez Diazen esanetan, Gobernuak ez ditu Estatuko Segurtasun Indarrak EAEtik mugiaraziko; izan ere, “ETA garaitua baldin badago, bertan daudelako da”.
Horren ildotik, “hedatze hori barik ETA ez litzateke hilzorian eta heriotza egiaztagiriaren zain egongo”, berretsi du.
EAJren ustez, ez dago deliturik
Bestalde, Aitor Esteban EAJk Kongresuan duen bozeramaileak ez du uste Arraizen hitzek "inoren kontra aritzeko deia" direnik. Ez dagoena ikusi nahian dabiltzala uste du Estebanek. Izan ere, buruzagi jeltzalearen iritzian, Guardia Zibilak operazioari emandako izenarekin hitz-jokoa baino ez zuen egin Sortuko presidenteak.
o presidenteak.Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.