Indarkeria politikoaren biktimen legea onartu du Parlamentuak
1950az geroztik Poliziaren eta eskuin muturreko taldeek eragindako indarkeria politikoaren biktimen foru legea onartu du gaur Nafarroako Parlamentuak. Bartzelona-Düsseldorf hegaldian hildakoak, Rogelio Ofizialdegi bereziki, gogorarazi ditu Ganberak osoko bilkuraren hasieran.
Data horrek langileen protesten hasiera markatzen du diktaduran, eta legearen lehen aro bat osatzen du demokrazia iritsi bitartean; izan ere, 1978tik aurrera legeak jasotzen dituen indarkeria gertakariak “puntualak” izan dira, bozeramaile batzuek zehaztu dutenez.
Araua Ezkerrak bultzatu du. UPNk eta PPk aurkako botoa eman dute. Arauak omenaldi ekitaldi instituzionala aurreikusten du, terrorismoaren biktimen legeak ezartzen dituen ordain, justizia eta memoria terminoetan. Hezkuntza eremuan ikastaroak, mintegiak edo kongresuak jasotzen ditu legeak.
Giza Eskubideen Europako Auzitegiaren jurisprudentzia eta Nazio Batuen Hitzarmenak jasotzen dituen tortura eta tratu txarrak lotzen ditu araudiak, biktima nafarrek pairatu dituzten urraketak ordaintzeko.
Aitorpen eta Ordain Batzordea
Zuzenbidean, Kriminologian, Soziologian, Psikologian eta Giza Eskubideen arloetan adituak diren bederatzi pertsonek Aitorpen eta Ordain Batzordea osatuko dute. Batzordeko kideak Parlamentuak aukeratuko ditu. Gertakarien ikerketa “zorrotza” egingo du batzordeak.
Espediente bakoitza urtebeteren buruan bukatu beharko dute adituek, ebazpen “lotesle” batekin. Horrela, biktimatzat jotzen baldin badute, kalte “fisiko, psikologiko eta materialengatik” kalte-ordaina eman beharko diote.
Urteko memoria
Bestalde, Batzordeak urteko memoria egin eta Parlamentuari igorriko dio. Gainera, agintaldiaren bukaeran bi txosten egingo ditu. 1951tik 1978ko abendura doan tarteko ekintzen inguruko txosten bat, eta azken data horretatik gaurdaino beste bat.
Batzordea Nafarroako Gobernuak finantzatuko du aurrekontu-sail berezi baten bidez. Batzordeak bulego edo egoitza izango du eta bere lana aurrera eramateko baliabide nahikoak izango ditu.
Nafarroako Kutxaren ikerketa batzordearen txostena atzera bota du Ganberak
Bestalde, Nafarroako Kutxaren desagerpena ikertu duen batzordearen txostena atzera bota du Ganberak gauean. Besteak beste, datorren legealdian beste batzorde bat sortzeko konpromisoa jasotzen zuen txostenak.
Sozialisten botoei esker txostenak aurrera egin zuen batzordean, baina gaur PSNko parlamentariak abstenitu dira, eta ondorioz, atzera bota dute.
Datorren legealdian beste ikerketa batzorde bat osatzeko konpromisoa azaldu dute EH Bilduk, Aralar-NaBaik, Ezkerrak eta Geroa Baik eztabaidan.
Zure interesekoa izan daiteke
Rosa Zarraren, Ertzaintzaren pilotakada jaso ondoren hil zen emakumearen, omenezko plaka jarri du Donostiako Udalak
Orain arte 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.