Gurtel auzian auzipetuek epaiketa bertan behera uztea eskatu dute
Gurtel auziko akusatuetako zenbait abokatuk epaiketa bertan behera uztea eskatu dute, auzipetuen eskubideak urratu dituztela argudiatuta.
Adierazi dutenez, oinarrizko eskubideak urratzea, legez kanpoko atxilotzea, telefono bidezko elkarrizketak antzematea, intimitaterako eskubidea urratzea eta defentsa izateko eskubidea urratzea salatu dute.
Epaiketaren lehen saioan, prestaketa lanei zuzendutakoa, Fiskaltzak Joan Carlos Rinconek lekuko gisa deklaratzea eskatu du. Rincon Orange Marketen langilea izan zen "lehenengo garaian", 2005ean, eta Valentziak Fiturren izandako lekuaz informazio garrantzitsua eman lezake.
Gurtel auziko auzipetuak "lasai" eta "justizia bila" heldu dira Valentziako Erkidegoko Justizia Auzitegi Nagusira, esan dutenez. Auzian, Generalitateak Gurtel sarearekin egindako ustezko kontratazioak, Fitur azokan erakustokia egiteko, ikertzen dituzte.
Gaur hasi dira Valentziako Erkidegoko Justizia Auzitegi Nagusian 2005 eta 2009 bitartean, Generalitateko presidente Francisco Camps zen garaian, egin ziren kontratazioak ikertzen dituen auzia epaitzen. 13 auzipetu daude, Milagrosa Martinez eta Angelica Such kontseilari ohiak tartean.
Pablo Crespo eta Alvaro Perez, El Bigotes, sare horretako ustezko buruak izan dira auzitegira iristen lehenak. Epaiketa 09:30ean hastekoa zen, eta 08:00ak pasatxo zirenean heldu dira biak, elkarrekin.
Pablo Crespok hedabideen aurrean esan duenez, "une garrantzitsua" da eurentzat, eta auzia noiz hasiko zain "sei urtez esperoan" egon eta gero, "justizia bila" joan dira.
Bestalde, Milagrosa Martinez Turismo kontseilariak esan du "lasai" dagoela, eta uko egin dio adierazpenak egiteari, Angelica Suchek bezala (horren ondorengoa izan zen karguan).
Francisco Correa sareko buruzagietako bat da, akusazioaren arabera, eta sareak horren abizenetik hartu du izena (Gürtel hitzak soka esan nahi du alemanez). Auzitegira heldu denean, kazetariei "egun on" esan ondoren, "lasai" eta "ondo" dagoela esan du.
Epaiketa gaur hasi eta urriaren 8an bukatuko da. 37 saio izango dira guztira, eta, aurreikusi dutenez, lehenengo egunetan prestaketa lanekin arituko dira. Ondoren, apirilaren 10etik maiatzaren 15era, akusatuek deklaratzeko txanda helduko da, hauteskundeetako kanpainaurre eta kanpainarekin batera.
Zure interesekoa izan daiteke
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.