Rodrigo Rato atxilotu dute, iruzurra eta dirua zuritzea leporatuta
Rodrigo Rato Espainiako Gobernuko presidente orde eta Ekonomia ministro ohia atxilotu egin dute bere etxea hiru orduz miatu ostean, iruzurra, dirua zuritzea eta ondareak ezkutatzea leporatuta.
17:00ak baino lehentxeago, Aduana Zaintzeko Zerbitzuko Agenteak (AEAT) eta Espainiako Poliziako kideak Ratoren etxera joan dira Auzitegiak, urgentziaz, agindutako miaketa egitera. Madrilgo Fiskaltzaren eskariz hartu du epaitegiak miaketa agintzeko erabakia.
Fiskaltzak Rato eta beste pertsona batzuk salatu ditu, baina gainerakoen izenen berri ez dute eman, eta sekretupean daude operazioak.
Madrilen miaketa hori egiten ari ziren bitartean, Zerga Agentziak abokatu bulego bat miatu du Sotogrande luxuzko urbanizazioan, Cadizen, ikerketako iturriek jakitera eman dutenez.
Bankiako presidente eta Nazioarteko Diru Funtsaren buru ohiaren etxea hiru orduz miatu ostean, atxilotuta eraman dute beste miaketa batera, eta ez dute baztertzen aurrerago ere miaketekin jarraitzea.
Rato aske uzteko eskatu du Fiskaltzak
Magistratuak agindutako miaketak amaitzen direnean Gobernuko presidenteorde ohia aske uztea eskatu du Madrilgo Fiskaltzak, ikerketako iturriek jakinarazi dutenez.
Horrela, Rato ez dute epailearen esku utziko. Magistratuak deklaratzera deituko du, hala estimatzen baldin badu, ikerketak aurrera egiten duen heinean.
2012an Ratok amnistia fiskala baliatuta ondarea erregularizatu nahi izan zuela jakin ostean Ministerio Fiskalak ikerketa abiatu eta gero agindu dute miaketa.
Zerga Agentziak horren berri izan zuenean, "familia elkarte sare konplexu bat" ikertzen hasi zen.
Sepblac, Espainiako finantza inteligentzia unitatea, Ekonomia Ministerioaren esku dagoena, da ikerketan sakontzeko ardura duena eta delitu zantzuak ote dauden baieztatu behar duena.
Auzia Madrilgo Fiskaltzaren esku badago ere, aurki Ustelkeriaren kontrako Fiskaltzak hartuko du bere gain.
Ratok 2012an ondarea erregularizatzeko pausoa eman eta ondarearen jatorriaren inguruko zalantzak direla eta, Ogasun Ministerioak dirua zuritzearen susmagarri diren 705 pertsonen zerrendan sartu zuen ministro ohia.
Beste kasu batzuetan inputatua
Bestalde, Fernando Andreu Auzitegi Nazionaleko epaileak inputatu egin zuen Rato Bankiaren bat-egite eta burtsara ateratze prozesuaren baitan.
Era berean, Bankiako eta Caja Madrideko kontseilari ohiek erabiltzen zituzten 'black' txartelen auziaren barruan ere ikertzen ari dira presidenteorde ohia.
Albiste gehiago politika
Gobernura iristen bada, Feijook ez dio osasun-hesirik jarriko ez Voxi, ez PSOEri, EH Bilduri baino ez
Alderdi Popularraren XXI. Kongresu Nazionalaren amaieran egindako hitzaldian, Sanchezen aurkako hitzak izan ditu nagusi, eta "zentraltasuna alde batera utzi" eta Sanchezek alderdia, herrialdea eta gutxiengoak "mendean hartu nahi" dituela leporatu dio, bai eta Espainia nazio anitza dela "ahaztu" izana ere.
Feijoo: "Gure herrialdea berreraikitzea da nire konpromisoa"
PPren burua berriro hautatu dute alderdiko presidente botoen % 99,24ko babesarekin. Hain zuzen ere, Feijooren lidergoa indartzea eta gobernu-alternatiba gisa agertzea helburu dituen XXI. Kongresu Nazionala egiten ari dira popularrak asteburu honetan.
Yolanda Diaz: "Pedro Sanchezek ez du herrialdea demokratikoki berreraikitzeko neurririk proposatu"
Espainiako Gobernuko Lan ministroak Pedro Sanchezek PSOEren Batzorde Federalean egindako agerraldia kritikatu du, eta, ohartarazi duenez, "aldaketarik ezean", asteazkenean Kongresuko osoko bilkuran egingo duen agerraldian "Alderdi Sozialistaren izenean hitz egingo du Sanchezek, ez Gobernuaren izenean".
Sanchezek hamahiru neurri proposatu ditu alderdi barruko ustelkeria kasuei aurre egiteko
Rebeca Torro valentziarra, orain arte Industriako Estatu idazkari zena, izango da Cerdanen ordezkoa. Ezagunak ziren polemikez gain, orain beste bat gehitu zaie, Salazarrek uko egin baitio bere karguari sexu-jazarpen salaketengatik.
Sanchezek barkamena eskatu die sozialistei "merezi ez zutenengan" konfiantza izan zuelako, baina, "arduragatik" aurrera egin behar dela berretsi du
Pedro Sanchez Espainiako Gobernuko presidente eta PSOEko idazkari nagusiak Batzorde Federalean onartu du une zailak bizi dituela alderdiak, baina, traizioak traizio, "lortu dugunagatik eta lortzeko diugun guztiagatik" lanean jarraitzeko deia egin du.
Donostiako Udalak hiru plaka berri jarri ditu, 1979an ETAk hildako Espainiako hiru polizien omenez
Murtziatik etorri berriak, Donostiara iritsi eta hurrengo egunean hil zituzten. 41, 30 eta 29 urtekoak ziren hildakoak, ezkonduta zeuden eta seme-alabak zeuzkaten. Euren senideak, oso hunkituta, izan dira gaurko omenaldian.
Osasun Ituna hobetzeko "tarte handia" dagoela ohartarazi dio EH Bilduk Eusko Jaurlaritzari
Koalizioaren aburuz, sektoreko sindikatu gehienak kontra dituen ituna ez da batasun akordio bat. Dena den, neurri horiek aplikatzeko orain hasiko den laugarren fasera begira, erantzukizunez jokatuko dutela iragarri du, osasun sistema publikoa bermatu dadin ziurtatzeko.
Francisco Salazarrek uko egin dio PSOEren zuzendaritzari, sexu-jazarpen salaketen ostean
Rebeca Torro Antolakuntza idazkariaren albokoa izan behar zuen Hauteskunde Ekintza eta Analisirako Idazkaritzan. Salazar ez da PSOEren Exekutiba Federal berriko kide izango, eta Pedro Sanchezen aholkulari gisa Moncloan zuen kargutik "behin-behinean" kentzeko eskatu du. Zehazki, Gobernuko Lehendakaritzaren koordinatzaile instituzionala zen.
Andueza: "Euskal sozialistok badakigu egoera zailenetan ondo lan egiten"
PSE-EEren idazkari nagusiak esan du lan egiten jarraitzeko asmoz joan direla PSOEren Batzorde Federalera, "ibilide orri eta norabide berria" ezartzeko prozesuan parte hartzera.
EAEk "aldez aurretik egindako ahalegina" kontuan hartu izana baloratu du Melgosak: "Orain beste erkidego batzuek egin behar dute"
Nerea Melgosa Ongizate, Gazteria eta Erronka Demografikoko sailburua pozik agertu da Ministerioak kontuan hartu duelako Euskal Autonomia Erkidegoak adingabe migratzaileak hartzeko "aldez aurretik egindako ahalegin etengabea": "Orain beste erkidego batzuek egin behar dute", erantsi du.