Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Pedro Sanchez Espainiako Gobernuko presidentea eta haren emaztea, Begoña Gomez, artxiboko irudi batean.
Juan Carlos Peinado epaileak ikertu gisa deklaratzera deitu ditu Begoña Gomez, Pedro Sanchez Espainiako Gobernuko presidentearen emaztea, eta Cristina Alvarez, haren aholkularia Moncloan, diru publikoa bidegabe erabiltzea egotzita. Irailaren 11n deklaratu beharko du Gomezek Madrilgo Auzitegian, eta Alvarezek, berriz, bezperan, irailaren 10ean.
Unibertsitateko bere katedrako lanetan lagundu ziezaion, Begoña Gomezek Cristina Alvarez aholkularia kontratatu izanagatik diru publikoa bide gabe erabiltzea egozten dio epaileak Pedro Sanchezen emazteari. Presidentearen emaztearen Moncloako aholkularia nahieran kontratatzen da eta, orain arte, gobernuburu guztien emazteek erabili dute laguntzaile-figura hori.
Ez da hau lehen aldia Peinado epailea Begoña Gomez auzipetzen saiatzen dena. Aurretik ere influentzia trafikoa, ustelkeria, edota intrusismoa egotzita ikertu izan du.
Are gehiago, Moncloako aholkulariaren auziarekin lotuta Felix Bolaños ministroa bera ere inputatzen saiatu zen, baina Auzitegi Gorenak atzera bota zuen. Aldiz, Madrilgo Lurralde Auzitegiak kontratazio hartan diru publikoa bidegabe erabili ote zen ikertzea defendatu zuen eta erabaki hartan oinarrituta eman du urratsa orain Peinado epaileak.
Torresk Gomezen errugabetasun-presuntzioa errespetatzeko eskatu du
Angel Victor Torres Lurralde Politikako eta Memoria Demokratikoko ministroak gogoratu du Gorenak, jada, atzera bota zuela auzi hori. Eta Begoña Gomezen errugabetasun-presuntzioa errespetatzeko eskatu du.
"Auzitegi Gorenak argi eta garbi esan zuen ez zegoela ustezko diru publikoa bidegabe erabiltzearen deliturik Espainiako Gobernuko presidentearen emazteari dagokionez", adierazi du Torresek.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.