'Trintxerak gainditzeko' garaia dela esan du Gure Esku Dagok
Gure Esku Dagok datorren ekainaren 21ean euskal hiriburuetan egingo dituen ekintzak aurkeztu ditu gaur. “Hamarkadetan eraikitako trintxerak gaitzeko garaia da”, adierazi dute antolatzaileek. Antolatutako ekintzetan parte hartzeko deia ere luzatu dute.
San Mames aurrean egin dute aurkezpena eta Zelai Nikolas plataformako ordezkariak eta Andoni Aizpuru kazetariak parte hartu dute besteak beste.
Ekainaren 21ean egingo dituzten ekintzen berri eman dute. Horiek Bilboko San Mamesen, Donostiako Anoetan, Gasteizko Buesa Arenan, Iruñeko zezen plazan eta Baionan egingo dituzte, goizez eta arratsaldez.
“Hamarkadetan eraikitako trintxerak gainditzearen eta gure historiaren protagonista bihurtzearen alde gaude”, adierazi dute. Hiru oinarri aipatu dituzte hori aurrera eraman ahal izateko: “herri bat gara, erabakitzeko eskubidea dugu eta herritarren garaia da”.
“Alderdi bakoitzaren interes edo estrategietatik haratago, sentsibilitateak eta borondateak elkartu behar dira aldarrikapena egiteko eta erabakitzea eskubidea dugula esatetik, erabakitzeko eskubidea gauzatzeko”, zehaztu dute.
Datorren ekainaren 21ean salto kualitatibo bat egitearen alde agertu dira, “borondatek elkartzeko sinboloa erakusten duten oihalak elkartuz eta erabakia ahalbidetuko duten kutxa osatuz”. “Egungo kutxa etorkizuneko erabakia da, eta gure esku dago horrela izatea”, gaineratu dute.
Ekainaren 21ean Bilboko Euskalduna eta Areatza zubia elkartuko dituzte oihalekin osatutako kate baten bidez. Arratsaldeko bostetan ekitaldi nagusia egingo dute San Mamesen.
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".