'Euskal herriaren borondatea argi geratu da', Egibarren irudiko
Joseba Egibar EAJren GBBko presidentearen iritzian, igande honetan "argi geratu da erabakitzeko eskubidearen aldeko euskal herriaren borondatea". EAJk "euskal Estatua" lortzea du helburuz, eta jeltzaleak azpimarratu duenez, "pausoz pauso, lor dezakegu".
Gainera, Egibarrek azaldu duenez, "erabakitzeko eskubidea herri honek etorkizunean zer izan nahi duen erabakitzeko gaitasuna da, eta hori lortzeko, ezinbestekoa da herritarrengan konfiantza osoa jartzea"."Soilik bide politiko eta demokratikoetatik irabaziko dugu askatasuna eta etorkizuna", gaineratu du.
Gure Esku Dagok igande honetan Donostiako Anoeta estadioan antolatutako ekitaldietan parte hartu du Egibarrek, Eneko Goia Donostiako alkatearekin, Markel Olano Gipuzkoako ahaldun nagusi berriarekin, eta Eider Mendoza Gipuzkoako Batzar Nagusietako presidentearekin, besteak beste.
Kazetariei egindako adierazpenetan, GBBko presidenteak gogora ekarri duenez, "joan den urteko ekitaldia posible izan zen ETA ez zegoelako, eta, urtebete pasa ondoren, konfirmatu egin behar da gai bera: herri honek bere etorkizuna erabakitzeko eskubidea daukala, eta gaur agerian gelditu dela herri borondatea dagoela".
EH Bildu
Bestalde, Pello Urizar EH Bilduren buruzagiak gaur Donostian adierazi duenez, Euskal Herrian gero eta pertsona gehiagok uste du erabakitzeko eskubidea "guztion ardura" dela.
Marian Beitialarrangoitia, Rebeka Ubera eta Xabier Isasi EH Bilduko kideekin izan da Urizar, eta kazetariei adierazpen horiek egin dizkie Gure Esku Dagok deitutako gaurko ekitaldietan parte hartu baino lehen (Bilbon, Baionan, Gasteizen eta Iruñean ere ekitaldi antzekoak egingo dituzte).
Urizarrek nabarmendu duenez, gaurko ekitaldiek argi utzi dute "erabakitzeko eskubidearen aldarrikapena alor nazionalekoa dela". "Euskal Herria anitza da, lurraldez lurralde, herriz herri, pertsonaz pertsona. Hala ere, gero eta gehiagok uste dugu erabakitzeko eskubidea guztion ardura dela, eta desberdintasunak eta ideologiak alde batera utzita, gure etorkizuna erabakitzeko eskubidea dugula, politikaren aurretiazko kontzeptu demokratikoa delako".
Urizarrek Gure Esku Dago plataformaren kideak zoriondu ditu, "egindako lan eskergagatik", eta ekitaldiak antolatzeko lagundu duten herritarrak txalotu ditu, "posible egiten baitute erabakitzeko eskubidea errealitate bihurtzetik hurbilago egotea".
Adolfo Araizek Nafarroako Presidentetzarako EH Bilduren hautagaiak ere adierazpen egin ditu. Horren iritziz, gaur izandako mobilizazioa "askatasunez erabakitzeko eskubidea lortzeko bidean beste urrats bat da".
"Oinarri batzuk ezartzeko gai izango gara, eperik ezta datarik zehaztu gabe, etorkizun batean Nafarroa euren erabaki propioak hartzeko gai izan daitezen", azpimarratu du. "Plataforma hori sortzeko unea heldu da", esan du.
PP
Bestalde, Nerea Llanos PPko Euskadiko presidenteak esan duenez, EAJk Bildurekin bat egiten du "bide katalanaren eta independentziaren defentsan", eta horren erakuslea da, Llanosen iritzian, Andoni Ortuzar EBBko presidentea Gure Esku Dagok antolatutako ekitaldira joan izana.
Halaber, San Mameseko "erabilera" salatu du Llanosek, "batasun sinboloa da, baina euskal herritarrak zatitzeko erabili nahi dute".
'Erabakitzeko eskubidea' terminoa "eufemismoa" dela esan du Alderdi Popularreko buruak, "horren atzean independentziaren aldeko apustu garbia dagoelako". "Aldarrikapen legitimoa da, baina argi eta garbi esan beharko lukete nahi dutena", adierazi du, gainera, "eskubide hori aspalditik dugu bai euskal herritarrok bai espainolok".
Zure interesekoa izan daiteke
Pradales lehendakariak gazteak indarkeria baztertzearen garrantziaz jabetzearen beharra azpimarratu du
Imanol Pradales lehendakariak Euskadiko terrorismoaren eta legez kanpoko poliziaren indarkeriaren "garai ilunak" ezagutu ez zituzten gazteei adierazi nahi izan die indarkeriak ez duela "lekurik gure gizartean", eta "sufrimendu amaigabea" baino ez duela ekartzen. Pradales izan da buru Memoriaren Euskal Institutuak, Gogora Institutuak, Memoriaren Eguna dela eta antolatu duen ekitaldian.
Indarkeriak ez duela lekurik gazteei transmititzeko beharra nabarmendu du Pradales lehendakariak
Memoriaren Egunaren harira Gogora Institutuak antolatutako ekitaldian, "akatsak ez errepikatzeko" iraganetik ikasi behar dela azpimarratu du lehendakariak. Halaber, ohartarazi du demokrazia eta giza eskubideak ez daudela ziurtatuta.
Rosa Zarra Poliziaren ekintzaren biktima izan zela aitortu izana baliogabetzeko eskatu du Esanek
"Ekintza hau irain onartezina da ertzainentzat, egiaren aurkako iraina eta iraganeko manipulazio politikoa, euskal polizia kriminalizatzeko eta justiziak duela hamarkada batzuk itxi zituen zauriak berriz irekitzeko helburu bakarrarekin", dio Esanek.
Lore eskaintza, Eusko Legebiltzarrean, Memoriaren Eguna ospatzeko
EAJko, EH Bilduko, PSE-EEko eta Sumarreko legebiltzarkideek lore eskaintza egin dute biktimei eskainitako "Gauerdiko Iparrorratza" eskulturaren aurrean. PPk eta Voxek ez dute parte hartu, horrelako ekintzek biktima mota eta indarkeria mota desberdinak "nahasten" dituztelako. Lore eskaintzaren ostean, Etxeratek salbuespen politikek eragindako biktimak omentzeko egin duten bilkuran parte hartu dute EH Bilduko legebiltzarkideek.
Perez Iglesiasek "arrazionaltasun" falta ikusten du EHUren eskaeretan, eta zalantzan jartzen du "adostasunerako tartea" dagoenik, "hain maximalistak" izanda
Eusko Jaurlaritzako Zientzia, Unibertsitate eta Berrikuntza sailburu Juan Ignacio Perez Iglesias EHUko errektore Joxerramon Bengoetxearekin izango duen bilerara joango da, "guztiaz hitz egiteko", esan duenez, eta, bere ustez, EHUren eskarietan falta den "arrazionaltasuna sartzeko" asmoz, "zenbatekoari, prozedurei eta epeei" dagokienez. Hala ere, onartu du kezkatuta dagoela "zein den benetan akordioak" lortu ahal izateko "marjina" hain "planteamendu maximalistarekin". Bengoetxeak euskal unibertsitate publikoaren finantzaketari buruz egindako adierazpenak direla eta, azken egunotan EHUko errektorearekin izandako desadostasunen ondoren, sailburuak azaldu du, Radio Euskadiri eskainitako elkarrizketa batean, "askotan" komunikatu direla biak, eta "tonua murrizteko beharra" aipatu dutela. Jatorrizko adierazpenak, gaztelaniaz.
Albiste izango dira: Memoriaren eguna, COP30 goi bilera Brasilen eta azaroaren 25eko kanpainaren aurkezpena
Gaurkoan Orain-en albiste izango direnen laburpena, bi hitzetan.
Aste erabakigarria eskualdatzeko dauden transferentziak ixteko
Eusko Jaurlaritzak eta Espainiako Gobernuak bilerak egingo dituzte asteartean eta asteazkenean, eskualdatzeko dauden eskumenei buruz lan egiteko. Maria Ubarretxenak nahi du urrian aurkeztutako hamar proposamenei lehen erantzuna ematea eta urtea amaitu baino lehen eskualdaketak bizkortzea.
Memoriaren Eguna ospatuko da gaur, eta Eusko Legebiltzarrean eta euskal hiriburuetan ekitaldi instituzionalak egingo dira
Memoriaren Eguna ospatuko da gaur, eta hainbat ekitaldi instituzional eigingo dira terrorismoaren eta indarkeriaren biktimak oroitzeko. Eusko Legebiltzarrak omenaldiarekin irekiko du jardunaldia, 10:00etan, eta, ondoren, Eusko Jaurlaritzak eta Gogora Institutuak ekitaldi nagusia antolatu dute Gasteizen, eguerdian.
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.