1976ko 'sarraskia' Bruselara eraman du Martxoak 3 Elkarteak
Martxoak 3 Elkartea Europako Parlamentuan izan da gaur, 1976ko martxoan Gasteizen izan zen ‘sarraskia’ salatzeko. Poliziak Gasteizen bost langile tiroz hil zituen, eta oraindik ez da sarraski haren erantzukizunik argitu.
Elkarteko arduradunak Ana Messuti abokatuarekin batera, eta CEAQUEA Kereila Argentinarraren babeserako euskal plataformarekin eta Espainiako koordinadorarekin batera, Europako Parlamentuan izan dira gaur goizean. Kexu bat eta hainbat txosten aurkeztu dizkiote Cecilia Wikstrom Eskaera Batzordeko presidenteari.
Euren kausa babesten duten eurodiputatuekin ere biltzeko aukera izan dute aurretik, Izaskun Bilbao eta Josu Juaristi tartean, eta nazioarteko babesak lortzeko prozesu bat jarriko dute abian.
EAJk, EH Bilduk, Podemosek, IUk, Iniciativa per Catalunya Verdsek eta Compromisek elkartearen ekimena babestu dute. Martxoak 3 Elkarteak argi du PPren babesik ez duela izango. Gorka Urtaran Gasteizko alkatea eta Miren Larrion EH Bilduko zinegotzia ere Bruselan izan dira, elkarteko kideei babesa emateko.
Espainiako Gobernuak Martxoaren 3ko Biktimak ez onartzeak Oinarrizko Eskubideen Europako Eskutitza, Eskubide Politiko eta Zibilen Nazioarteko Hitzarmena eta memoria historikoaren nazioarteko gomendioak urratzen duela salatuko dute Europan.
Martxoak 3ko biktimen Elkarteak Europako herrialdeen aurrean agerian utzi nahi du "Espainiako Gobernuak ez duela giza eskubideen nazioarteko legedia errespetatzen” eta “1976ko diskurtsoari” eusten diola.
Era berean, testuan azaltzen denez, “Espainiako Gobernuak ukatu egin du krimen horien arduradunak atxilotzea eta estraditatzea, nahiz eta atxilotzeko nazioarteko agindua eduki bere gain Argentinan gizateriaren kontrako krimenengatik irekitako auziaren baitan”.
Andoni Txasco Martxoaren 3ko Elkarteko kideak azaldu du biktimen senideek Argentinako Justiziaren “jo behar” izan zutela konponketa bilatzeko, eta “Espainiako Gobernuak bermatzen duen inpunitatea” salatu du.
“Azken esperantza gisa, Europako Parlamentura gatoz, Espainia urratzen ari den nazioarteko arauak salatzera gatoz, jarrera hori zuzen dezala eskatzeko, eta Europako eta nazioarteko araudia bete dezan giza eskubideen alorrean”, azaldu du.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.