Irailaren 27ko hauteskundeen deialdia sinatu du Artur Masek
Artur Mas Kataluniako Generalitateko presidenteak gaur 21:00ak aldera sinatu du irailaren 27ko Kataluniako hauteskundeen deialdiaren dekretua. Independentziaren gaineko plebiszitu-hauteskundetzat jotzen dute, baina dekretuan ez dute prozesu independentistaren gaineko aipamenik egin, Gobernu zentralak aurka egitea ekiditeko helburuarekin.
Dekretua sinatuta, Masek urtarrilean ERCrekin hartutako konpromisoa bete du, irailaren 27an hauteskundeak deitzeko, hain justu independentziaren gaineko kontsultaren deialdia sinatu eta urtebetera.
Generalitateko presidenteak sinadura egin ostean, atzera kontua hasi da; kanpaina irailaren 11an abiaraziko dute, Kataluniako Diadaren eguneko ospakizunekin batera. Urte honetan politika kataluniarrak aldaketa asko izan ditu, alderdiek formula berriak aurkeztu dituzte eta 2012ko hautagaiak ez dira berriz hautagai izango.
Hauteskundeak deitzeko eta Parlamentua desegiteko dekretua astearte honetan sartuko da indarrean, Generalitateko Aldizkari Ofizialean (DOGC) argitaratu ondoren.
Sinadura ekitaldia Generalitateko jauregiaren Mare de Deu de Montserrat aretoan egin dute. Jordi Baiget Kataluniako Gobernuaren idazkariak dekretua irakurri du. Nuria de Gispert Parlamentuko presidentea, Neus Munte Gobernuko presidenteordea eta Francesc Homs eta Meritxell Borras kontseilariak bertan izan dira.
Formatu arrunta
Ekitaldian egindako irakurketaren arabera, aurreko hauteskundeak deitzeko erabilitako formatu arrunta errepikatu dute, plebiszituari inolako erreferentziarik egin gabe, Masek aurreratu bezala.
Masen agintaldian hirugarren hauteskundeak izango dira, bost urteren buruan. 2010eko azaroan egindakoen ondoren 2012aren bukaeran aurreratu zituen Generalitateko presidenteak.
Artur Mas Kataluniako Generalitateko presidentea. Argazkia: EFE
Mas: "I27 gure historian data seinalatua bihurtu dezakegu?
Irailaren 27ko hauteskundeak Kataluniaren ?historian data seinalatua? izateko dei egin du Masek. Generalitateko presidentearen hitzetan, kataluniarren ?erabakitzeko eskubideari irtenbide? bat emango diote hauteskundeek.
Dekretuak ?indarrean dagoen marko legala jarraitzen du, gaurdaino egindako deialdi guztien antzera, formari dagokionez?, azaldu du Masek. Hala ere, ?funtsari dagokionez, oso hauteskunde desberdinak direla guztiok badakigu?, zehaztu du buruzagiak.
Estatuak Kataluniako herriaren ?ahotsa isildu? nahi izatea deitoratu du Masek. Katalunia ?erabakitzeko eskubidea irabazi duten pertsona askeek osatzen duten nazioa? dela goraipatu du agintariak. Bestalde, ?erantzukizuna? eskatu die Masek alderdi politiko guztiei, ?proiektuak aurkezteko? eta ?herriak aukeratutakoa errespetatzeko?.
Hauteskundeen plebiszitu izaerari babesa emateko ekitaldi bat deitu dute ANCk eta Omniumek
Hauteskundeen plebiszitu izaerari babesa emateko ekitaldi sinboliko bat deitu dute ANCk eta Omnium Culturalek astearte honetarako. Ekitaldia Bartzelonako Sant Jaume plazan egingo dute, 19:00etan, ?I27, guztia hasten den eguna? lelopean.
"Ara és l'hora" (Orain da ordua) kanpaina bateratuaren markoan ekitaldia antolatu dute bi kolektiboek. Pankarta erraldoi bat zabalduko dute.
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.