ETAren eta GALen hainbat biktimak batasuna eskatu diete alderdiei
ETAren, GALen eta Poliziaren 15 biktimak Memoriaren Eguna (azaroaren 10a) "salbuespenik gabe" denek batera ospatzeko deia egin diete alderdi politikoei.
Eskaera Eusko Legebiltzarrean egin du Ines Nuñez de la Partek, torturen ondorioz hil zen Francisco Javier Nuñez Fernandezen alabak, Giza Eskubideen Batzordean.
"Asmoak ondo daude, baina horiek gauzatu beharra dago; azaroaren 10a Memoriaren Eguna da, urrezko aukera duzue batasuna erakusteko, guk hemen egin dugun bezala; alderdi guztiek, salbuespenik gabe, biktima guztiak omendu ditzatela", adierazi die EAJko, PSE-EEko, PPko, EH Bilduko eta UPyDko ordezkariei.
Aipatutako biktimen kolektiboaren ordezkariek agerraldia egin dute gaur Legebiltzarrean, adostu duten adierazpena alderdiei aurkezteko. "Pertsonak hiltzea gaizki egon zela denek aho batez esatea eta biktima guztiak aintzatestea" izan dute helburu.
Halaber, "bizikidetzari buruz halabeharrez egin beharreko eztabaida ez atzeratzea" ere eskatu diete alderdiei. Horren ildotik, Bake Lantaldea edo "tankera horretako beste espazio bat" berriz martxan jartzeko deia egin dute.
Sinatzaileak
Adierazpenaren sinatzaileen artean ETAren biktima hauek daude: Marta eta Sara Buesa (Fernando Buesa legebiltzarkide sozialista zenaren alabak), Andoitz eta Ibai Korta (Joxe Mari Korta enpresaburuaren semeak), Josu Elespe (Froilan Elespe zinegotzi sozialistaren semea), Jose Goikoetxea (Joseba Goikoetxea ertzainaren semea), Mari Carmen Hernandez (Jesus Mari Pedrosa PPko zinegotziaren alarguna) eta Carlota Arguimberri (Carlos Arguimberri autobus gidariaren iloba).
Gainerako biktimak hauek dira: Iñaki Garcia Arrizabalaga (Juan Manuel Garcia Cordero Telefonicako buruaren semea), Josemi Gomez Elosegi (Javier Gomez Elosegi psikologoaren anaia), Nagore Gonzalez (Manuel Vicente Gonzalez Vilorio udal idazkariaren alaba), Dori Monasterio (Fermin Monasterio taxilariaren alaba), Ines Nuñez de la Parte (Francisco Javier Núñez Fernandezen alaba), Mikel Paredes (Juan Paredes Manoten anaia) eta Pili Zabala (Joxean Zabalaren arreba).
Albiste gehiago politika
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor fundazioak ekitaldia egin du larunbat honetan Loiun, Jose Ramon Goikoetxea Bilbao ETAko kide izandakoaren herrian, Alcala Mecoko kartzelan hilda agertu zenetik 40 urte bete direnean. 50 eguneko inkomunikazio aldiaren ondoren hilda agertu zela gogoratu du Egiari Zor fundazioak. 24 urte zituen eta lau urte zeramatzan preso. Goikoetxea presoaren heriotza ekidin zitekeela salatu du Egiari zor fundazioak eta azken 40 urteotan kartzelan hil diren 36 presoen heriotzak aitortuko dituen legea aldarrikatu du Pilar Garaialde bozeramaileak: “Azken 40 urteetan, demokrazia deritzon garai honetan zehar, 36 euskal preso politikok eta 16 senidek galdu dute bizitza egoera ezberdinetan, sistematikoki aplikatu diren salbuespen neurrien ondorioz. Horiez gain, beste bi pertsonak bere buruaz beste egin zuten kartzelatzea saihestu nahian”, gogoratu du Pilar Garaialdek. “Osasun arreta ukatzea, isolamendu luzeak, komunikazioen interbentzioa, kartzelako bizitza baldintza gogorrak etab.” aipatu ditu Garaialdek eta espetxe sistemak eragindako zuzeneko eta zeharkako biolentzia oro errekonozitzeko beharra azpimarratu du. EAEko Aitortza eta Erreparaziorako Euskal legeak ez dituelako jasotzen sakabanaketa eta urruntze politikak eragindako edo hildako senide eta lagunen kasuak salatu du Garaialdek eta egoera hori zuzentzeko eskatu du.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.