ETA 'bururik gabe' utzi dute atxiloketekin, Barne Ministerioaren ustez
Jorge Fernandez Diaz Espainiako Barne ministroak esan du David Pla eta Iratxe Sorzabal ETAko ustezko buruzagiak atxilotuta ETA "bururik gabe" utzi dutela.
"Jakina, denbora daramagu esaten ETA hilotz bat dela, eta heriotza agiria sinatzea besterik ez zaiola geratzen", adierazi du Fernandez Diazek Bruselan egiten ari diren Barne ministroen Kontseilura iritsi denean.
"Oso gutxi geratzen zaio, eta operazio honekin ETA bururik gabe utzi dute erabat", gaineratu du.
Horregatik, ministro espainiarrak esan du "oso operazio garrantzitsua dela" Guardia Zibilak eta Frantziako terrorismoaren kontrako zerbitzuek elkarlanean egin dutena, baina ezin izan du baieztatu beste bi atxilotuak nortzuk diren.
"Ezin dut baieztatu. Bi atxiloketa gehiago izan dira, tartean atxiloketak izan diren etxebizitzaren jabea, baina oraindik ez dut informaziorik atxilotuen artean 'Josu Ternera', aita edo semea, ote dagoen esateko", erantzun du.
Era berean, "operazioak irekita" jarraitzen duela jakinarazi du.
Haren esanetan, operazioarekin "ETAren buruzagi politikoak" atxilotu dituzte, eta agerian uzten du "Espainiak eta Frantziak terrorismoaren kontra dugun aldebiko elkarlana".
Fernandez Diazek azpimarratu du Pla eta Sorzabal "terrorista bilatuenak" zirela, eta ez dutela "negoziatu", ez dutela egingo, eta ez dutela "negoziatzea pentsatu ere egiten".
"ETAri geratzen zaiona da bururik gabe eta deseginda dagoela onartzea, eta bere esku dago desegitea formalizatzea. Baina ia ETAren heriotza agiria dela esaten ausartuko naiz", azpimarratu du.
"Pozik egoteko eguna da, eta Guardia Zibila eta Estatuko Segurtasun Indar guztiak zoriondu behar dira, urte asko baitaramatzate ETAren kontrako borrokan", azaldu du ministroak.
"Orain alor logistiko-teknikoa soilik geratzen zitzaien, zuloak zaintzeaz arduratzen zena, eta gaur atxilotutakoen aginduetara zegoena; beraz, pozik egoteko eta zoriontzeko eguna da", berretsi du.
Fernandez Diazek uste du ETAk "aktore politiko gisa" egon nahi duela "betiko" baina gaurko operazioarekin hori "ezinezkoa" izango dela.
"Badakit ez duela heriotza agiririk sinatuko negoziaziorik ezean, baina ez da negoziaziorik izango", azpimarratu du ministro espainiarrak.
Frantzia ere pozik
Adierazpen horiek egin eta ordu batzuetara, Fernandez Diazek agerraldia egin du berriz, Bernard Cazeneuve Frantziako Barne ministroarekin batera.
"Konfiantza harremana dago [bi gobernuen artean] talde bortitzen aurka egiteko, gure herritarren segurtasunari eraso ez diezaioten", adierazi du buruzagi frantziarrak.
Cazeneuvek eskertu egin dio Mariano Rajoyren Gobernuari harremana "kalitatekoa" izatea, eta lankidetza horretan aurrera egiteko deia egin du. Izan ere, "mehatxu handia" diren hainbat talde terrorista badaudela gogorarazi du, eta Estatu Islamikoa aipatu du horren adibide gisa.
"Egun garrantzitsua da gaurkoa; arrakastatsua izan da operazioa, lankidetzak beste hainbat aktore eta filial desegitea ahalbidetuko baitu", gaineratu du.
, gaineratu du.Zure interesekoa izan daiteke
Javier De Andres: "Euskararen exijentzia mailak euskal gizarteak benetan eskain ditzakeenen gainetik daude"
Euskadiko PPko presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Bere ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik daudela".
Sanchezek Aznarren aurka egin du Espainia Irakeko gerran sartzeagatik eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.