Jaurlaritza: 'Atxiloketak ETAren amaieraranzko beste urrats bat dira'

Eusko Jaurlaritzak uste du Ipar Euskal Herrian izandako atxiloketak ?ETAren amaieraranzko beste pausu bat gehiago? direla. Alabaina, gogora ekarri du erakunde armatuaren ?amaiera ordenatuaren? aldekoa dela eta horretarako proposamen zehatz bat aurkeztu zuela joan den abenduaren 24an.

Josu Erkorekak esan duenez, ?aurkeztu zaizkion proposamenak ukatuz eta armagabetzea eta amaiera atzeratuz, ETAk onartu egiten du Poliziak desagerrarazteko aukera; beraz, ETArena da erantzukizuna?.

Bestalde, ezker abertzaleari ere zuzendu zaio. ?Erreakzionatu egin beharko luke? eta ETAren indarkeriari dagokionenean ?lehenbailehen eman beharko lituzke berarengandik espero diren pausoak?, azpimarratu du.

Kazetarien galderak erantzunda, polizia operazioaren inguruko xehetasunik ez daukala eta, ondorioz, Jorge Fernandezek egindako adierazpena berresteko moduan ez dagoela nabarmendu du.  Espainiako Barne Ministroak esan du ?ETA bururik gabe? utzi dutela.

?Ia egia den, baina, tamalez, Barne ministro asko eta asko entzun ditugu behin baino gehiagotan antzeko adierazpenak egiten?, gogoratu du.