Lau atxilotuek polizia-etxean jarraitzen dute
David Pla eta Iratxe Sorzabal ETAko ustezko buruek, Ramon Sagarzazu ETAko kide historikoak eta Pantxoa Floresek, atxiloketak egin dituzten landetxearen jabeak, polizia-etxean jarraitzen dute, epailearen esku noiz utziko dituzten zain. Atxilotuak ez dituzte Parisera eraman oraindik, eta Baionako polizia-etxean daude oraindik, Radio Euskadik jakitera eman duenez.
Kasu hauetan, ikerlariek 96 orduko epea dute epailearen aurrean utzi aurretik. Epaileak erabakitzen du gero inputatzeko zantzurik ba ote dagoen, eta beste batek erabakitzen du espetxean sartu ala ez.
Lau atxilotuak asteartean atxiki zituzten Pardines operazioan. Landetxean, material informatiko ugari eta bi pistola topatu zituzten, albiste-agentziek terrorismoaren kontrako iturriak aipatuta zabaldutakoaren arabera.
Pla eta Sorzabal ETAko buruzagitzat ditu Espainiako Barne Ministerioak. Polizia iturrien esanetan, Sorzabalek eta Plak irakurri zuten, 2011ko urrian, ETAk jarduera armatua uzten zuela iragartzen zuen agiria. Halaber, biek ala biek Osloko (Norvegia) bake negoziazioetan parte hartu zuten, prozesuak aurrera egiten ez zuela-eta bertatik kanporatu zituzten arte.
Jorge Fernandez Diaz Espainiako Barne ministroaren hitzetan, David Pla eta Iratxe Sorzabal atxilotuta ETA "bururik gabe" utzi dute. "Jakina, denbora daramagu esaten ETA hilotz bat dela, eta heriotza agiria sinatzea besterik ez zaiola geratzen", adierazi zuen.
Bestalde, "ETAren amaiera ordenatua" bilatzearen aldekoa dela esan du Jaurlaritzak, eta horretarako proposamen zehatz bat egin zuela. Sorturen ustez, berriz, atxiloketek ez dute "inolako zentzurik", ETA "armagabetzearen aurreko inbentariatze eta zigilatze prozesuan" baitago "buru-belarri".
Tentsio uneak
Bestalde, ehun bat lagun bildu ziren atxiloketak egin zituzten etxearen inguruan, 19:45 inguruan, atxilotuei babesa helarazteko asmoz.
Etxera hurbiltzen saiatu ziren, baina 40 bat jendarmek aurrera egitea galarazi zieten, eta tentsio uneak izan ziren. Antza, manifestari batek harri bat jaurti zien, eta poliziek ke-potoak bota zituzten.
Miaketa Oiartzunen
Era berean, Guardia Zibilak Sagarzazuren etxea miatu du goizaldean, Oiartzunen (Gipuzkoa). Miaketa arratsaldeko azken orduan hasi zen, guardia zibilek Sagarzazuren nortasuna baieztatu ondoren, eta ia lau ordu iraun du.
Guardia Zibilaren dozena bat ibilgailu joan dira Oiartzungo Araneder kaleko etxebizitzara, eta, ordu batzuk geroago, guardia zibilek zenbait kutxa eraman dituzte. Gainera, auto bat miatu dute.
00:50 aldera, etxebizitzaren inguruan ezarritako hesia kendu eta miaketa bukatutzat eman dute.
Zure interesekoa izan daiteke
Laugarren Xedapen Iragankorra indargabetzeko tramitea hasi du UPNk
Cristina Ibarrola UPNko presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapen hori ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.