Rodrigo Rato aske utzi du epaileak, baina pasaportea kendu dio
Rodrigo Rato Espainiako Gobernuko presidenteorde eta Caja Madrid eta Bankiako presidente izandakoa aske utzi du Antonio Serrano-Arnal Madrilgo argibideetako epaileak, baina kautelazko neurriak ezarri dizkio. Horrela, pasaportea kendu eta hilean behin gertuen duen epaitegira joateko betebeharra ezarri dio. Ustez kapitalak zuritzeagatik, ustelkeriagatik eta delitu fiskalengatik galdekatu ostean hartu du erabakia magistratuak.
Ezarritako kautelazko neurrien arabera, Ratok Europar Batasunean bakarrik bidaiatu ahalko du, eta hilabetean behin joan beharko da etxetik gertuen duen epaitegira.
Epaileak bi orduz galdekatu du Espainiako Gobernuko eta Caja Madrideko presidente ohia.
Iturri juridikoen arabera, bankari ohia prest zegoen gaurko hitzordurako, defentsak, Ustelkeriaren Kontrako Fiskaltzak eta epaileak egin dizkioten galdera guztiei erantzuteko.
Galdeketa 10:30 aldera hasi da, eta 13:00ean amaitu da, baina Bankiaren presidentea ohia deklarazioa hasi baino askoz ere lehenago bertaratu da.
Izan ere, uztaileko hitzorduaren aldean, Ekonomia ministro ohiak ez du baimenik eskatu aparkalekutik sartu ahal izateko.
Bankiako lehentasunezko akzioen 20 bat kaltedunek elkarretaratzea egin dute epaitegien sarreran. "Rato litxarrero, zure aita eta aitona bezalaxe", "Rato eta Blesa, espetxera" edo "Herri hau arpilatu dute" esan dute garrasika manifestariek.
Uztaileko aldi hartan, Ratok ez deklaratzeko eskubideari eutsi zion, iruzurraren kontrako bulegoak, Onifek, eta Fiskaltzak egindako akusazio askoren berri ez zuela argudiatuta.
Ordutik, informazio asko zabaldu da, Onifek uste baitu Ratok dirua zuritu zuela atzerrian, eta delituak beste zortzi pertsonari ere eragingo omen lioke.
Guardia Zibilaren komisaldegian deklaratu zuen Ratok aurreko ostegunean bertan, Alberto Portuondo Albisa Inversionesen administratzaile eta Ratoren ustezko izen-mailegatzaileak Kradonara elkarteari, Ratoren elkarte sarearen erdiguneari, hilero 40.000 euro ematen zizkiola jakinarazi ostean.
Portuondok, orain arte presondegian sartu duten bakarrak, esan zuen Kradonara Ratorena zela jakin gabe egin zituela ordainketak.
la ordainketak.Albiste gehiago politika
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetza, Kanpo Ekintza eta Euskara kontseilari Ana Ollo buru izan da Ignacio Francisco Canedaren gorpuzkiak senitartekoei emateko ekitaldian. AEBetan jaiotako anarkista gazte hau, Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik preso zegoen bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.
Sarek eta Bilboko Konpartsek 'Bizkaiko Etxera Eguna' deitu dute abuztuaren 22rako Bilbon
Aste Nagusiarekin batera, ETAko preso, iheslari eta deportatuen itzulera eskatzeko manifestazioak, bazkari herrikoiak eta kontzertuak izango dira. Antolatzaileek gogorarazi dute gizarteak "gatazkaren zauri mardulenak gainditu" dituela eta "badela garaia 'Etxera' aldarria erreibindikazio izatetik lorpen izatera pasatzeko".