Azkenean, hiru izango dira EAEk hartuko dituen errefuxiatuak
Hiru errefuxiatu iritsiko dira EAEra igande honetan, eta ez 10, goizean zabaldu den bezala. Lanpedusatik datozen hiru gizonezko eritrear dira, eta Bilbon izango dute bizilekua.
Josu Erkoreka Eusko Jaurlaritzako bozeramaileak, goizean, hedabideen aurrean egindako agerraldian jakinarazi du 50 bat errefuxiatu iritsiko direla Madrilera, igandean, eta horietatik 10 EAEra. Datu horiek zituen eskuartean Jaurlaritzak, Espainiako Gobernuak aurreko egunotan igorrita.
Eguerdian, baina, Jaurlaritzako Gizarte Politika sailak Espainiako Gobernuaren beste jakinarazpen bat jaso du, errefuxiatu kopurua aurreikusitakoa baino txikiagoa izango dela esanaz. Azkenean, denera, Madrilera 19 errefuxiatu inguru iritsiko dira.
Errefuxiatuei Laguntzeko Batzordearen eskariz, eta euskal erakundeekin koordinatuta, hiru errefuxiatu eritrearrak Bilboko etxebizitza batera eramango dituzte.
Protokoloa, martxan
Eusko Jaurlaritzak errefuxiatuak hartzeko protokoloa martxan du. Aldundiekin ez ezik, udalekin ere elkarlanean arituko da Gasteizko Gobernua.
Astelehenean bertan Osakidetzako zentroetan osasun azterketak egingo zaizkie errefuxiatuei, Erkorekak aurreratu duenez, eta euskal erakundeen gizarte zerbitzuak eskura izango dituzte, hasieratik. "Euskal gizarte sisteman jasota dauden zerbitzu guztiak jasoko dituzte", ziurtatu du bozeramaileak.
"Bizitokia, elikadura, hezkuntza, osasuna eta laguntza juridikoa bermatuta izango dute errefuxiatuek", Erkorekaren esanetan. Gurutze Gorriak eta Acnur erakundeak bideratu du bidaia.
"Drama humanitario honi aurre egiteko ordua da. Erakunde publiko eta pribatu guztien koordinazioa eta elkarlana eskatzen du honek", esan du.
Errefuxiatu guztien "integrazioa normaltasunez" egingo dela espero du Erkorekak.
o du Erkorekak.Albiste gehiago politika
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.
Sarek eta Bilboko Konpartsek 'Bizkaiko Etxera Eguna' deitu dute abuztuaren 22rako Bilbon
Aste Nagusiarekin batera, ETAko preso, iheslari eta deportatuen itzulera eskatzeko manifestazioak, bazkari herrikoiak eta kontzertuak izango dira. Antolatzaileek gogorarazi dute gizarteak "gatazkaren zauri mardulenak gainditu" dituela eta "badela garaia 'Etxera' aldarria erreibindikazio izatetik lorpen izatera pasatzeko".
Luberrik Bilboko Konpartsek berriz "baztertu" dutela salatu du, "irizpideak bete arren"
Gazte Koordinadora Sozialistarekin (GKS) lotutako konpartsak jarduerak egingo ditu Aste Nagusian, "normaltasunez parte hartu" ezin duela agerian uzteko eta "bere espazioa" eskatzeko.
Covitek jaietan ETAko presoen aldeko pankartak agertu izana salatu du
Bilboren kasuan, Txoribarrote konpartsak "pankarta handi bat" zabaldu izana kritikatu du Covitek, "Euskal preso eta iheslariak etxera" aldarria idatzita duena. Donostiako Udalak kendu egin ditu hiriko ikastetxe publiko bateko fatxadan zeuden pankartak
Goia kexu agertu da Espainiako Gobernuarekin, Malitik etorritako migratzaileekin duen ardurari ez baitio behar bezala heltzen
Donostian bizi diren migratzaile maliarren egoeraz galdetuta, Eneko Goia alkateak Euskadi Irratiko Faktoria saioan adierazi du behin-behineko irtenbidea aurkitu dutela Arantzazun, eta adierazi du Espainiako Gobernuak Malitik etorritako migratzaileekin duen ardurari ez diola behar bezala heltzen.
"ASESINOS" eta "ETARRAS" margotu dute Santutxuko herriko tabernan
Ezker abertzalearen aurkako pintaketak agertu dira gaur Bilboko auzo batzuetan. Santutxuko herriko tabernan, esaterako, "ASESINOS" eta "ETARRAS" idatzi dute lokaleko bi pertsianetan. Solokoetxen ere agertu dira pintaketak, kaleko horma batzuetan. Bilboko Sortuk gaitzetsi egin ditu gertaera horiek.
SAREk presoen eskubideekiko konpromisoa berretsi eta haien aldarrikapena "kriminalizatzeko" saiakerak salatu ditu
Halaber, biktimen mina eta sufrimendua helburu politikoekin erabiltzea deitoratu du, eta gogorarazi du "biktima bakoitza bere sufrimenduaren jabe" dela eta errespetua, elkartasuna eta begirunea merezi dituela.
Voxek PPri festa musulmanak debekatzea onartu zuen Jumillako osoko bilkuran: 'Helburua beteta'
PPren botoei eta Voxen abstentzioari esker, proposamen polemikoa aurrera atera zen eta ultrek garaipena bereganatu zuten.
Zer aldatzen da EBren komunikabideen askatasunari buruzko lege berriarekin?
Erregelamendu bat denez, araudi berriaren artikuluak lotesleak dira EBko estatu guztientzat, inolako transposizio beharrik gabe. "Segurtasun nazionaleko" arrazoiak argudiatuta, kazetariak edo kazetarien iturriak zelatatzeko aukera ematen zuen klausula bat sartzeko saiakera izan da oztopo handienetako bat negoziazioan.