Junts pel Sirekin akordiora heltzeko oinarriak argitaratu ditu CUPek
Junts pel Sirekin akordio batera heltzeko eta, ondorioz, Kataluniako presidente berriaren inbestidura ahalbidetzeko “gutxiengo” oinarriak argitaratu ditu CUPek.
‘I ara què? Fil a l’agulla’ (Eta orain zer? Ekin lanari) goiburua duen dokumentuak 50 orri ditu eta bertan baldintza horiek hauteskunde-programarekin alderatzen ditu, aldaketak egin dituztela eta gutxiengoak direla erakusteko. Era berean, argi utzi dute ez dutela inoiz “txeke zuririk” sinatuko.
Dokumentuaren 50.000 ale banatuko dituzte, negoziazio-mahaian jarri dituzten planteamenduak zeintzuk diren ezagutarazteko eta orain arte Junts pel Sirekin adostasun batera zergatik heldu ez diren ulertarazteko.
Dokumentua hiru esparrutan banatuta dago: haustura demokratikoa, independentzia lortzeko bide-orriaren bidez; arazo sozialei aurre egiteko larrialdiko eta premiazko plana; eta herritarra eta ez-elitista izango den prozesu konstituziogilea.
Prozesu independentista abian jartzeko adierazpena Kataluniako Errepublika sortzeko “lehen pausotzat” jotzen dute.
Premiazko plan sozialean 39 neurri biltzen dituzte, “herritarren bizi-baldintzak hobetzeko asmoz”, tartean, jantokietarako 240.000 beka ematea; langabeek garraio publikoa doan erabili ahal izatea; ospitaleak, ikastetxeak, ondasun publikoak edo ur-zerbitzua pribatizatzeko prozesuak gelditzea.
Prozesu konstituziogileari dagokionez, Kataluniako Konstituzioa idazterakoan herritarren ekarpena aintzat hartzea eskatzen dute, eta ustelkeriarekin amaitzeko “borondate politikoa” exijitzen dute.
Hauteskundeak aurreratzeko aukera, baztertuta
Dokumentuan ez diote Artur Masi aipu zuzenik egiten, baina Kataluniako Gobernuak prozesu soberanista nola kudeatu duten kritikatzen dute, “interes alderdikoiak Kataluniaren interesen gainetik jarri dituelako sarritan”.
“Ekonomia neoliberalaren aroa eta kultura politika elitista jakin bat gainditu eta historiaren zakarrontzira bota behar ditugu”, dio CUPek.
Amaitzeko, Junts pel Sirekin akordio batera heltzeko lanean ari direla dio testuak, independentzia 18 hilabetetan aldarrikatu ahal izatea delako helburu nagusia. Hortaz, hauteskundeak aurreratu behar izatea “hipotesitzat” ere ez dutela azpimarratu dute.
Albiste gehiago politika
Arazoei aurre egin beharrean errua beti besteei botatzea leporatu dio Feijook Espainiako Gobernuari
Alberto Nuñez Feijoo buruzagi popularrak Pedro Sanchezen Gobernuaren aurka egin du berriro ere, PPk Galizian egin duen ikasturte politikoaren hasiera ekitaldian. Espainiako Gobernuak suteen aurrean izan duen papera kritikatu du Feijook eta Estatu ituna egiteko aukera ukatu du.
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.