Jihadismoaren kontrako batasuna irudikatu dute bederatzi alderdik
Bederatzi alderdik terrorismo jihadistaren kontrako batasuna irudikatu dute, Espainiako Gobernuarekin batera, PPk eta PSOEk otsailean izenpetu zuten ituna sinatuta. Izquierda Unidak, Podemosek (bileran izan da, baina ez du sinatu), CDCk, EAJk, Amaiurrek eta Geroa Baik ez dute horretan parte hartu nahi izan.
Jorge Fernandez Diaz Espainiako Barne ministroak deituta, bilera egin dute terrorismo jihadistaren kontrako itunaren jarraipena egiteko. Ciudadanos, UPyD, UDC eta PAR alderdiek bat egin dute PPk, PSOEk, Coalicion Canariak, Foro Asturiasek eta UPNk aurretik sinatua zuten akordioarekin.
Alderdi horien ordezkariek euren planteamenduak azaldu dituzte ituna sinatu duten mahaian, eta Fernandez Diazek batasun politikoaren garrantzia azpimarratu du, oinarrizkoa baita, horren ustez, terrorismoari aurre egiteko.
"Inor ez dago hemen soberan, hemen ez gara ez txikiak ez handiak", adierazi du ministroak zuzenean telebistaz ikusi ahal izan den bileran. Barne ministroak azpimarratu du nazioarteko mehatxu larri horren aurrean "logikoa" dela Espainiako Estatuan, gainerako estatuetan bezalaxe, alderdiek elkartuta jokatzea.
"Mahai honetan geroz eta gehiago elkartu, hobeto", adierazi du, hori demokratentzat, askatasunarentzat eta segurtasunarentzat ona izango dela gaineratu aurretik.
Albert Rivera Ciudadanosen buruzagiak bilera horretan berretsi du bat egiten duela jihadismoaren kontrako itunarekin, baina zigor erreformen artean sartu zuten betiko kartzela zigor berrikusgarriaren kontra dagoela, PSOEren moduan.
Bestalde, Carlos Salvador UPNkoak eskerrak eman dizkie Gobernuari eta oposizioko alderdi nagusiari beste alderdi batzuei akordioan sartzen utzi dietelako; eta gai hau "eztabaida alderdikoitik eta hauteskunde miserietatik ateratzea" eskatu du.
Rafael Mayoral Podemosen ordezkariak berretsi du bileretan egon nahi dutela, nahiz eta ez izenpetu itun antijihadista, eta Estatu Islamikoaren finantziazioa etetera bideratutako neurriak hartzea proposatu du.
a proposatu du.Albiste gehiago politika
Arazoei aurre egin beharrean errua beti besteei botatzea leporatu dio Feijook Espainiako Gobernuari
Alberto Nuñez Feijoo buruzagi popularrak Pedro Sanchezen Gobernuaren aurka egin du berriro ere, PPk Galizian egin duen ikasturte politikoaren hasiera ekitaldian. Espainiako Gobernuak suteen aurrean izan duen papera kritikatu du Feijook eta Estatu ituna egiteko aukera ukatu du.
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.