Garoña berehala ixtea eskatu dio Arabak Madrilgo Gobernuari
Arabako Batzar Nagusiek Madrilgo Gobernuari eskatu diote gaur Burgosen dagoen Garoñako zentral nuklearra "behin betiko, baldintzarik gabe eta berehala" ixtea, eta Europar Batasunari babesa eskatzea ere adostu dute, ustezko irekiera-baimen bat emakida galarazteko asmoz.
Arabako probintzia-legebiltzarreko alderdi guztiek (EAJ, EH Bildu, Ahal dugu, PSE-EE, irabazi eta Ciudadanos) babestu dute erabaki hori, PPk izan ezik, Santa Katalina egunez egin ohi den bilkuran. Aipatutako bilkura urtean zehar igandez egiten diren bi bilkuretako bat izan da.
Bilkura horretan gai bakarra egon da aztergai: Burgosen, baina Gasteizetik 40 kilometrora dagoen Garoñako zentralaren itxiera.
Alderdi guztiek (PP kenduta) zuzenketa transakzional bat onartu dute. Horren arabera, Espainiako Gobernuari, Nuclenorri, Iberdrolari eta Endesari zentrala ixteko eskatzen zaie, baita "Garoña berehala desegiteko" ere, instituzio arteko batzorde batek gainbegiratuko duena.
Eusko Jaurlaritzari ere eskatu diote Garoñan material nuklearra biltegiratzeko biltegi bat jartzea baimentzen duen ingurumen-inpaktuaren adierazpenaren aurka errekurtso bat jar dezala.
Horrenbestez, Biltzar Nagusiek Rajoyren Gobernuari instalazio horiek berriro zabaltzea ahalbidetuko lukeen beste lizentzia bat ez baimentzea eskatu diote, eta, ohartarazi dutenez, hala eginez gero, Europar Batasunaren babesa eskatuko dute.
Euskal erakundeei Madrilgo Gobernuak zentralaren gainean dituen asmoei buruz ematen dien informazio urria salatu ostean, probintzia-legebiltzarrak ekitaldi instituzional eta sozial handi bat "ahalik eta arinen" deitzea adostu du, zentral hori indarrean mantentzearen aurka Arabaren errefusa masiboa eta ahobatezkoa irudikatuko duena.
Albiste gehiago politika
Antxon Alonso enpresariak ukatu egin du Cerdan Servinabarren bazkide zela
Epailearen aurrean egindako deklarazioan, Alonsok aitortu du PSOEko antolakuntza idazkari ohiak Servinabarren bazkide izateko dokumentua sinatu egin zuela, baina bazkidetza ez zela inoiz gauzatu. Horrekin batera, onartu du Abalos ministro ohiaren fundazioari 4.500 euro eman zizkiola.
Sanchezek ustelkeriaren aurkako neurri sorta “handia” eramango du Kongresura, “konfiantza berreskuratzeko” asmoz
Horixe jakinarazi du Felix Bolaños Espainiako Presidentzia, Justizia eta Gorteekiko Harremanen ministroak, “milioika espainiar atsekabetuta, triste eta desengainatuta” sentitzea ulertzen duela azaldu aurretik.
Asensio “ziur” dago Cerdanen auziak ez duela PSE-EEko inor zipriztinduko
Miguel Angel Morales Antolakuntza idazkariaren izena UCOren txostenetan omen dagoela dioten informazioen aurrean, “urte hauetan Moralesek herriari egin dion zerbitzua” defendatu du Jose Ignacio Asensiok Euskadi Irratiko “Faktoria” saioan egindako elkarrizketan, eta ziur agertu da, "PSE-EEko inori buruz ez baita ezer aterako”.
Antxon Alonsok, Servinabar enpresan Cerdanen ustezko bazkideak, astelehen honetan deklaratuko du Auzitegi Gorenean
PSOEko Antolakuntza idazkari ohiaren eta EAJko eta EH Bilduko kargudunen artean bitartekari lanak egin zituen pertsona ere bada.
Otegi: "Ohore bat da, Euskal Herritik ez zarete pasatuko"
EH Bilduko idazkari nagusiak argi utzi du "ohorea" dela Alderdi Popularrak koalizioaren aurka "babes-hesia" ezartzea.
Gobernura iristen bada, Feijook ez dio osasun-hesirik jarriko ez Voxi, ez PSOEri, EH Bilduri baino ez
Alderdi Popularraren XXI. Kongresu Nazionalaren amaieran egindako hitzaldian, Sanchezen aurkako hitzak izan ditu nagusi, eta "zentraltasuna alde batera utzi" eta Sanchezek alderdia, herrialdea eta gutxiengoak "mendean hartu nahi" dituela leporatu dio, bai eta Espainia nazio anitza dela "ahaztu" izana ere.
Feijoo: "Gure herrialdea berreraikitzea da nire konpromisoa"
PPren burua berriro hautatu dute alderdiko presidente botoen % 99,24ko babesarekin. Hain zuzen ere, Feijooren lidergoa indartzea eta gobernu-alternatiba gisa agertzea helburu dituen XXI. Kongresu Nazionala egiten ari dira popularrak asteburu honetan.
Yolanda Diaz: "Pedro Sanchezek ez du herrialdea demokratikoki berreraikitzeko neurririk proposatu"
Espainiako Gobernuko Lan ministroak Pedro Sanchezek PSOEren Batzorde Federalean egindako agerraldia kritikatu du, eta, ohartarazi duenez, "aldaketarik ezean", asteazkenean Kongresuko osoko bilkuran egingo duen agerraldian "Alderdi Sozialistaren izenean hitz egingo du Sanchezek, ez Gobernuaren izenean".
Sanchezek hamahiru neurri proposatu ditu alderdi barruko ustelkeria kasuei aurre egiteko
Rebeca Torro valentziarra, orain arte Industriako Estatu idazkari zena, izango da Cerdanen ordezkoa. Ezagunak ziren polemikez gain, orain beste bat gehitu zaie, Salazarrek uko egin baitio bere karguari sexu-jazarpen salaketengatik.