Garoñako biltegiari buruzko informazioa exijituko du Jaurlaritzak
Ana Oregi Eusko Jaurlaritzako Ingurugiro eta Lurralde Politika sailburuak ziurtatu duenez, Espainiako Gobernuak Garoñan martxan jarri nahi duen hondakin nuklearren biltegiari buruzko informazio eskatuko diote Madrili lehenbailehen, orain arte, ez omen dute eta proiektu horren inguruko berririk izan. Gaiaren inguruan "ahotsa" izatea ere exijituko du Gasteizko Gobernuak.
10 urtez, Garoñan hondakin nuklearrak hartzeko 32 edukiontzi paratzeari oniritzia eman berri dio Ingurumen Ministerioak. Espainiako Gobernuak ingurumen-inpaktuaren aldeko adierazpena eman berri du, eta zabaltzeko lizentzia baino ez da falta. Estatuko Buletin Ofizialean urriaren 9an argitaratu zen ingurumen-inpaktuari buruzko txostena.
Ingurugiro sailburuak esan duenez, Eusko Jaurlaritzak ez du hondakin nuklearren biltegiaren inguruko berririk izan, eta Madrilek ez dio gaiaren inguruan ezer kontsultatu. Gasteiztik 40 kilometrora eta Arabako hainbat udalerritatik oso gertu dagoen azpiegitura izanda, Oregik uste du ezinbestekoa dela Jaurlaritzari proiektuari buruzko informazio xehea helaraztea.
"Dagokion organoaren erabakiak errespetatzen ditugu, baina Garoña dagoen lekuan egonda, Euskadik ere informazioa eta ahotsa izan beharko lituzkeela uste dugu", esan du sailburuak.
Eusko Jaurlaritzak Garoñako zentral nuklearra betiko ixteko jarrerari eutsiko diola nabarmendu du Oregik.
Arabako Foru Aldundiak, jada, iragarri du eskura dituen "neurri guztiak" hartuko dituela Garoñan hondakin nuklearren biltegia jar ez dezaten.
jar ez dezaten.Zure interesekoa izan daiteke
Hantabirusaren agerraldia "kontrolatuta " dagoela uste du Rafael Bengoak: "Orain kasu positiboen jarraipena egin behar da"
Radio Euskadiko Boulevard saioan egin dioten elkarrizketan Rafael Bengoa Osasun Publikoko adituak azaldu duenez, hantabirusak sortutako egoera "kontrolpean" dago, eta, horren esanetan, kasu positiboen jarraipen zuzena egitea da orain garrantzitsuena. Bestalde, hantabirusaren infekzio ahalmena txikia dela eta sintomak dituztenek kutsatzen dutela azpimarratu du.
Lekukoen deklarazioen txanda, Lukas Agirreren heriotzaren epaiketan
Fiskalak 22 urteko kartzela-zigorra eskatu du 2022ko Gabonetan gaztea labankadaz hiltzeagatik akusatutako hiru lagunetako birentzat.
Kamioi batek istripua izan du eta bi errei itxi dituzte AP-68 autobidean, Zuia parean, Gasteizerako noranzkoan
Istripuaren ondorioz, kamioiak zama galdu du, eta gidaria Txagorritxu Ospitalera eraman dute. Errei bakarra dago irekita, eta, ondorioz, auto-ilarak sortu dira.
Albiste izango dira: hantabirusaren azken ordua, AEBk errefusatu egin du Iranen erantzuna eta Alejandro Gonzalez-Iñarritu Bilbon
Gaurkoan Orain-en albiste izango direnen laburpena, bi hitzetan.
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.