Parte-hartzeak gora egin du Frantziako eskualde hauteskundeetan
Arratsaldeko 16:00etan % 43,01ekoa zen parte-hartzea Frantziako eskualde hauteskundeetako lehen itzulian. Horren arabera, igoera nabaria izan da duela bost urteko hauteskundeetako ordu berean egon zenarekin alderatuta (% 39,29).
Egun erdiko orduek frantziar gehiago animatu dituzte hauteskunde-kolegioetara, eguerdian parte-hartzea % 16,27ko besterik ez delako izan (2010ean izandakoaren antzekoa: % 16,07).
44,6 milioi frantziar
44,6 milioi frantziar daude deituta gaur, igandea, eta datorren abenduaren 13an egingo diren eskualde hauteskundeetan, Frantziako 13 erregioetako gobernuak aukeratzeko.
2016ko urtarrilaren 1etik aurrera Frantzia 13 erregiotan banatuta geldituko da -22 dira orain-, François Hollande Frantziako presidenteak bultzatutako erreforma administratiboaren ondotik.
Eskualde kontseiluetan erregioen garapen ekonomikoari eta garraio publikoaren planifikazioari zein finantzazioari loturiko erabakiak hartzen dira nagusiki.
Inkesten arabera, Marine Le Penen Fronte Nazionalak irabaziko ditu hauteskundeak eta lehen itzulian aukera bozkatuena izango da 13 erregioetatik 6tan.
Gaur egun, sozialistek agintzen dute eskualde kontseilu guztietan, batean salbu. Hala ere, boto beherakada iragartzen diote Alderdi Sozialistari, Fronte Nazionalaren eta Nicolas Sarkozyren eskuinaren mesedetan. Dena den, ikusteke dago zer gertatuko den; izan ere, Parisko atentatuen kudeaketaren ondotik gora egin du Hollande presidentearen onarpenak.
Eskuinari dagokionez, duela gutxi, 2016ko hauteskunde presidentzialei begira garaipen argia lortzea espero zuen Sarkozyk, alabaina, litekeena da aurreikuspenak ez betetzea.
Goizeko zortzietan zabaldu dituzte Frantziako hauteslekuak eta frantziarrek eskualdeko 1.757 kontseilari aukeratu beharko dituzte 171 zerrendatan banatuta dauden 21.456 hautagaien artetik.
Botoen gehiengo absolutua lortzen duten hautagaiak zuzenean aukeratuko dituzte; aitzitik, gutxienez bozen % 10 lortzen dutenak abenduaren 13ko bigarren itzulira igaroko dira.
Hauteskundeak Akitanian
Ipar Euskal Herrian botoa emateko eskubidea duten 250.000 herritarrek ere eskualdeko kontseilu berria aukeratu beharko dute. Lurralde erreformaren ondoren Iparraldeak, Biarnok, Poitou-Charentesek eta Limousinek osatuko dute Akitaniako erregioa.
Erregio berriak 6 milioi biztanle inguru izango ditu eta haren azalera Austriaren parekoa izango da. Aldaketak aldaketa, ordea, Bordele izango da hiriburua.
Alderdi abertzaleek ez dute hautagaitzarik aurkeztu eta, beraz, ezkerraren eta eskuinaren arteko borroka izango da. Gaur egun, Akitaniako eskualde kontseiluko presidente den Alain Rousset sozialistak Virginie Calmels hautagai errepublikarra izango du aurrez aurre.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.