Puigdemontek bere egingo du Masen programa
Generalitatea zuzentzeko hautagai Carles Puigdemontek inbestidura saioko hasierako mintzaldian bere konpromisoa adierazi du joan zen azaroaren 9an Junts pel Sík eta CUPek onartu zuten adierazpen independentistarekin.
"A9ko adierazpenari jarraiki urratsak ematen hasi behar dugu, estatu independente baten eraketa prozesuari ekiteko, Govern berri baten bitartez, JxSík eta CUPek adostutako akordioan oinarrituta dagoena", nabarmendu du Gironako egungo alkateak.
Puigdemontek bost ardatz nagusi azpimarratu ditu legegintzaldi honetarako: prozesua bukatzea parte-hartzeari eta herritarrei dagokienez; beharrezkoak diren Estatu-egiturak diseinatzea eta "prest jartzea"; iragankortasun juridikoaren eta prozesu eratzailearen legeak tramitatzea, eta prozesu independentista nazioartean plazaratzea.
Konpromiso horiek "aldatu gabe jarraitzen dute", eta Govern berriko ekintza guztien oinarrian egongo dira. Gobernuak batere erraza eta erosoa ez den zeregina duela esan du, baina ausardiaz gauzatuko duela.
Inbestidura saioa Kataluniako Parlamentuan. Argazkia: EFE
Kataluniako Parlamentuko erabakiak "subiranoak dira"; horrenbestez, adierazpen independentista hedatzeko konpromisoa azaldu du, baita prozesu-eratzailea hasteko eta Estatuari, Europar Batasunari eta nazioarteko komunitateari etengabeko elkarrizketa eskaintzeko.
"Herritarrek esaten digutena garbi dago: independentzia erdiesteko Kataluniak beharrezkoak dituen tresnak eskuratzeko prozesua hasi behar dugu", horiek izan ezean, beren herritarrei merezi duten arreta emateko aukera guztiak galduko baititugu.
Diputatu guztiei esan die Kataluniako Gobernuaren jarduna bide-orri independentistan oinarrituko dela, "bestela Kataluniak nazio bat izateari utziko baitio, etsipen hutsa bihurtzeko", eta ez du horrelakorik onartuko presidente gisa.
Karguaren behin-behinekotasuna onartu du, azkenean igande honetan presidente gisa inbestitzen badute, baina zin egin du Kataluniako Gobernua zuzentzen duen bitartean gogor egingo duela lan. "Nire kargua behin-behinekoa da inoiz baino gehiago, errepikatuko ez den unean baikaude, eta horrek lidergo errepikaezinak eskatzen ditu", nabarmendu du.
Generalitatea zuzentzeko hautagaiak, Carles Puigdemontek, jarduneko presidente Artur Masi eskerrak eman dizkio albo batera geratzeagatik CUPekin inbestidurarako akordioa lortu ahal izateko, eta onartu du gogorra izan dela: "Albo batera egitea erabaki duzu, herrialdea zuzentzek eskubide guztia zenuenean". "Prozesuaren amaierak zure beharra eta zure prestigioaren beharra dauka", esan dio Masi.
Carles Puigdemonten eta Artur Masen arteko agurra inbestidura saioa hasi baino lehen. Argazkia: EFE
Mintzaldiaren hasieran Puigdemontek barkamena eskatu die herritarrei hauteskundeen ostean egindako negoziaketen nondik norakoak direla eta. Oso hezigarria ez den ikuskizuntzat jo ditu: "Jende larregi sufriarazi dugu", botoa eman eta gero.
Carles Puigdemont Artur Masen ordez Generalitateko presidente gisa inbestitzeko Kataluniako Parlamentuaren plenoa bostak pasata hasi da.
Horren aurretik, Kataluniako Parlamentuko Mahaiak eta Bozeramaileen Batzordeak formalki deitu dute Generalitateko presidente berriaren inbestidura plenoa, Kataluniako Alderdi Popularrak gaur goizean "Legebiltzarreko araudia betetzea edota plenoa bertan behera uztea" eskatu ostean.
Kataluniako Parlamentuko Mahaiaren eta Bozeramaileen Batzordearen bilera. Argazkia: EFE
Alderdi Popularrak idazki bat aurkeztu du gaur goizean Kataluniako Parlamentuaren aurrean. Idazki horretan, salatu egiten du Parlamentuak inbestidura-prozesua egiteko zehaztuta daukan araudia ez dela betetzen ari, "ezin delako inolako eztabaidarik hasi, gutxienez bi egun aurretik ez bada eztabaida horretan oinarri gisa erabiliko den dokumentazioa banatu".
Mahaiaren eta Bozeramaileen Batzordearen arteko bilerak ordu erdi iraun du, eta Alde Popularraren eskaria aztertu dute; alabaina, ez dira botatzera iritsi, Kataluniako ganberako zerbitzu juridikoen iritziz, inbestidura-saioaren deialdia zuzena baita.
Zure interesekoa izan daiteke
Aragoin parte-hartzea % 40,26koa izan da 14:00etarako
2023ko bozetan izandako datuaren oso antzekoa da, % 0,06 hazi baita. Zortzi hautagaiek eman dute botoa jada, eta denek egin dute hauteslekuetara joateko deia.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.