Batasuna, EHAK eta ANVko 35 auzipetuek ez dute espetxera joan beharko
Segurako sarekadaren ostean auzipetutako Batasuneko, Euskal Herriko Alderdi Komunistako (EHAK) eta Eusko Abertzale Ekintzako (EAE-ANV) 35 kideek urte eta erdi eta bi urte arteko kartzela-zigorrak onartu dituzte, eta espetxetzea saihestuko dute, defentsak eta akusazioek akordioa lortu eta gero. 04/08 sumarioko auzipetuek onartu egin dute ETAri lagundu izana, biktimei egindako "kaltea" aitortu dute eta uko egin diete "indarkeriarekin lotutako jarduerei".
Ezker abertzalearekin lotutako makrosumarioetan, alde guztien akordioarekin amaitu den lehen epaiketa izan da honakoa.
Abenduan hasi zen epaiketa, akusatuen abokatuak atxilotu ondoren urtebete atzeratu ostean, eta uste baino lehenago amaitu da, defentsak eta akusazioek akordioa lortu baitute. Hasieran, 10 urteko espetxe-zigorra eskatzen zuten auzipetuentzat, ETAko kide izatea egotzita.
Besteak beste, Pernando Barrena Batasuneko buruzagiak, Ino Galparsoro Arrasateko alkate ohiak eta Karmele Berasategik urtebete eta zortzi hilabeteko zigorra jaso dute, eta Nekane Erauskin EHAK-ko legebiltzarkide ohiak, urte eta erdikoa.
Fiskaltzarekin eta herri akusazioekin (Dignidad y Justicia eta AVT) lortutako akordioaren arabera, auzipetuek onartu dute legearen kontra jardun zutela, uko egin diete "indarkeriarekin lotutako jarduerei" eta "biktimei egindako kaltea" aitortu dute.
AVT eta Dignidad y Justicia elkarteen arabera, aitortza horrekin "terrorismoaren biktimen konponketari lagundu" nahi diote, eta biktimen "hobebeharrez" egin dute akordioa.
Pernando Barrenak Auzitegi Nazionaletik atera denean azpimarratu duenez, akusatu guztiek "helburu politikoak lortzeko bide politiko eta demokratikoen aldeko apustua" egin dute, eta akordioarekin "espetxean ez sartzeko helburua" bete izana txalotu du.
AVT eta Dignidad y Justicia
Terrorismoaren Biktimen Elkarteak (AVT) eta Dignidad y Justiciak azpimarratu dute bi arrazoigatik onartu dutela akordioa: auzipetuek "Estatuaren legeen kontra" jokatu dutela aitortzen dutelako eta biktimen konponketa lortzeko "indarkeriarekin lotutako jarduerei" uko egin dietelako.
Bi elkarteek kaleratutako prentsa-ohar batean azaldu dutenez, "terrorismoaren biktimen hobebeharrez" jokatu dute akordioa onartuta.
Gainera, Auzitegi Gorenak herriko tabernen harira emandako ebazpena "erabakigarria" izan dela aitortu dute, zigor batzuk adostutakoak baino txikiagoak ere izan zirelako.
Zigorrak
Herriko tabernen auzian Auzitegi Gorenak Batasuneko 20 kideri ezarritako zigorrak baino handixeagoak dira gaurkoak.
Espetxe-zigorrekin batera, auzipetuek ezingo dute kargu publikorik izan udal, probintzia, Estatu eta Europa mailan, zigorrak irauten duen bitartean.
Haizea Abrisketa, Jesus Mari Agirre, Egoitz Apaolaza, Alazne Arozena, Karmele Berasategi, Nekane Erauskin, Anton Gomez, Ignacio Olalde eta Juan Carlos Ramosek urte eta erdiko kartzela-zigorra eta gaitasungabetzea jaso dute.
Bestalde, Nuria Alzugarai, Aitor Aranzabal, Karmele Aierbe, Iñigo Balda, Pernando Barrena, Gorka Diaz, Mikel Etxaburu, Maite Fernandez de la Bastida, Ino Galparsoro, Peio Aiser Imaz, Eusebio Lasa, Aurore Martin, Patxi Urrutia eta Joseba Zinkunegiren kasuan urtebete eta zortzi hilabetekoa da zigorra.
Zigor handiena, bi urtekoa, Marisa Alejandro, Angel Mari Elkano, Marije Fullaondo, Jon Garai, Gorka Etxeberria, Aner Petralanda, Juan Joxe Petrikorena, Joana Regueiro, Arantza Santesteban eta Mikel Zubimendi auzipetuek jaso dute.
tuek jaso dute.Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.