Sanchezek Rajoyren 'porrotari' itxarongo dio Gobernua proposatzeko
Pedro Sanchez sozialisten burua epeak agortzearen eta prozedura errespetatzearen alde azaldu da gaur. Esan duenez, jarduneko presidente Mariano Rajoyri dagokio lehendabizi inbestitzeko aukera izatea, eta, behin "porrot" egiten duenean, berak aldaketa Gobernu bat proposatuko duela.
"Rajoyren txanda da, baina espainiarrek ez dezatela zalantzarik izan Rajoyk porrot egiten badu, PSOEk ahalegin guztiak egingo dituela Gobernu aurrerakoi bat egon dadin", adierazi du Sanchezek Kongresuan eman duen prentsaurrekoan, erregearekin bildu ostean.
Sanchezek erregeari jakinarazi dio "ezkerrari eta eskuinari eskua luzatzeko prest" dagoela, adostasunak eraikitzeko asmoz, baina nabarmendu duenez, "lasterbideek ez dute balio", eta Rajoyk bere inbestidura aurkezteko "eskubidea, betebeharra eta obligazioa" duela azpimarratu nahi izan du.
Horren ostean izango da, Rajoyk porrot egiten badu, "PSOEk bere erantzukizunari eta obligazioari eta milaka espainiarren nahiari helduko dion unea, aldaketa zuzendu eta politika progresistak egingo dituen Gobernu egonkorra egon dadin".
Modu horretan Podemos, Ciudadanos eta beste alderdi politiko batzuekin adostasunetara heltzearen aldeko apustua egin du, eta "zortzi adostasun handi" proposatuko dizkie.
Azaldu duenaren arabera, adostasun horietako lehendabizikoa "ekonomiaren bidezko berpizkundea" izango da; bigarrena, kultura eta hezkuntzari buruzkoa, LOMCE legea bertan behera uzteko; hirugarrena, "PPk kaltetutako" ongizatearen Estatua berreraikitzea.
Horrez gain, Toledoko itunean adostasunak egotearen aldeko agertu da, pentsioak bermatzeko; baita bizitza demokratikoa leheneratzeko itun baten alde eta genero indarkeriaren aurkako beste itun baten alde ere.
Sanchezek azaldu duenez, zazpigarren akordioa "Europaren eraikuntzan Espainiak galdu duen papera berreskura dezala" izango da, eta azkena, PSOE proposatzen ari den Konstituzioaren erreforma.
aren erreforma. aren erreforma.Zure interesekoa izan daiteke
Parte-hartzea aurreko bozetan baino altuagoa izan da eguerdirako Pirinio Atlantikoetan, baina lehen itzulian baino txikiagoa
Gaurkoan, parte-hartzea % 23,95ekoa izan da 12:00etarako, baina % 26,74koa izan zen lehen itzulian; duela sei urte, berriz, % 19,85ekoa izan zen ordu horretarako. Ipar Euskal Herriko 11 herritan egiten ari dira udal hauteskundeak gaur.
Otxandianok "bakearen ekonomiaren aldeko lidergo politiko sendo baten falta" leporatu dio Pradalesi
Eusko Legebiltzarreko EH Bilduren bozeramaileak kritikatu egin du Mikel Torres Ekonomia sailburuak "armagintza-industria babestu eta garatzearen alde" egin zuela.
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.